Боки 13 објави дека му бил ограбен домот додека бил во Србија, МВР потврди дека има пријава

Бојан Јовановски – Боки 13 објави дека бил жртва на тешка кражба и провала во неговиот дом во Скопје, која, како што наведе, се случила во раните утрински часови.

— реклама —

Во објава на социјалните мрежи, Јовановски потврди дека во моментот на настанот не бил во државата.

„Точно е дека бев жртва на тешка кражба и провала во мојот дом во Скопје, која се случила во раните утрински часови денеска. Точно е и дека во моментот на настанот се наоѓав во Белград“, напиша Јовановски.

— реклама —

Тој додаде дека поради интересите на истрагата нема да дава дополнителни информации за случајот.

— реклама —

Од Министерството за внатрешни работи потврдија дека денеска била примена пријава за кражба во дом во населбата Бардовци.

„Денеска (23.06.2026), од женско лице телефонски е пријавена кражба во дом во Бардовци. Полициски службеници излегоа на лице место, при што сопственикот не бил затекнат. Увид ќе се врши дополнително“, соопштија од МВР.

— реклама —

Јовановски во објавата наведе дека е на пат. Засега не се познати детали за тоа што е одземено при кражбата, ниту колкава е евентуалната материјална штета.