Братот на државниот обвинител Љубомир Јовески починал на Клиниката за онкологија во периодот кој сега се испитува од истражните органи, сведочеше тој пред Анкетната комисија за скандалот. Јовески посочи дека и сега близок член на неговото семејство се лекува на Клиниката, по што додаде дека Обвинителството работи без притисок и главната цел е да се дојде до вистината.
„Мојот единствен брат почина на Клиниката за онкологија пред четири години. Во моето најблиско семејство и сега имам пациент на оваа клиника. Ова не го кажувам за да докажам дека и мене ми е важно за да се дојде до вистината, туку затоа што знам дека и тој личен факт, кој не треба да го засега никого – може да се злоупотреби политички и фрли сомнеж на непристрасноста на постапката. Никогаш не сум влијаел, ниту сега ќе влијаам на јавните обвинители кои постапуваат. Важно ми е да се дојде во вистината“, кажа Јовески.
Тој им посочи на пратениците дека не може да се води паралелна истрага. Додаде дека Обвинителството е самостојно и се води постапката која треба да покаже што се случувало на клиниката.
„Барам поддршка од целата јавност да престане да се злоупотребува случајот ‘Онкологија’ во политички цели. Се загрозува валидноста на доказите, постапката. На ова укажа и претседателот на Основниот суд. Паралелна истрага не е дозволена. Се загрозува истражниот процес. Ако навистина се сака да се дојде до вистината и одговорност како што тврдите во секое обраќање – застанете зад самостојноста на Обвинителството. Чув дека има нови документи и докази, Ве повикувам да ги доставите до Обвинителство, а за кои зборувате по јавни настани“, додаде Јовески.
Претходно, тој побара од пратениците и политичарите да го остават Обвинителството да си ја работат работата.
Јовески остро во Собрание: Оставете нѐ да си ја работиме работата, јас не сум ниту сведок ниту експерт за да седам тука
Оставете нѐ да си ја работиме работата, порача државниот обвинител Љубомир Јовески на собраниската Анкетна комисија. Тој остро ги искритикува членовите на оваа комисија бидејќи смета дека тие водат паралелна истрага. Посочи дека се крши Уставот и неколку закони. Обвинителството е во клучна фаза на постапката, па рече дека не може да дава детали за постапката.„Јас сум повикан во својство на сведок/експерт. Да бидам искрен, кога ја примив поканата мислев дека е грешка. Но следејќи ја работата на о
Македонија | пред 2 години
