Британија со нова трговска лиценца поврзана со руска нафта

Велика Британија ќе дозволи увоз и транспортни услуги поврзани со дизел и авионско гориво произведено од руска сурова нафта, доколку нафтата е преработена и рафинирана во трети земји.

— реклама —

Одлуката е дел од новата трговска лиценца што стапува во сила денес, а со која одредени производи поврзани со руска нафта се изземаат од британските санкции, пренесува „Ројтерс“.

— реклама —

Според новите правила, санкциите нема да важат за гориво што е обработено надвор од Русија, но компаниите ќе мора да исполнуваат одредени услови, меѓу кои и водење детална евиденција.

Британските власти соопштија дека лиценцата ќе важи на неодредено време, но ќе биде предмет на периодични проверки и може да биде укината доколку се процени дека е потребно.

— реклама —

Покрај тоа, Велика Британија усвоила и временски ограничена лиценца за поморски транспорт на природен гас и поврзани услуги во согласност со санкциите против Русија.

— реклама —

Таа лиценца ќе важи до крајот на годината.