Британската МИ6 прогласена за најдобра разузнавачка служба во Европа

Британската надворешна разузнавачка служба МИ6 е оценета како најмоќна во Европа, покажува истражување на францускиот весник „Л’Експрес“, спроведено со учество на 60 експерти од 25 земји.

— реклама —

МИ6 освоила 251 поен и добила високи оценки за својата способност да регрутира високо позиционирани извори и да се инфилтрира во владејачките структури во Русија, Кина, Иран и Турција.

На второто место се најде француската Генерална дирекција за надворешна безбедност (DGSE) со 169 поени, благодарение на нејзиниот глобален дострел и оперативни способности.

— реклама —

Во првите пет најдобро рангирани разузнавачки служби се и оние на Холандија, Украина и Германија, додека словачката служба е оценета како најслаба.

— реклама —

Поранешниот висок функционер на ЦИА, Ралф Гоф, изјави дека Британците имаат најдобри информации за случувањата во Украина, додека поранешниот шеф на станица на ЦИА, Роберт Горелик, оцени дека МИ6 убедливо е најсилната разузнавачка служба во Европа.

Минатата година Блејз Метревели стана првата жена на чело на МИ6, наследувајќи го Ричард Мур.

Поранешниот директор на француската DGSE истакна дека британската служба е позната по долгорочното градење разузнавачки мрежи и сложените тајни операции, додека француската служба се смета за една од водечките во светот во борбата против тероризмот.