Бројот на жртви во Непал и Тибет достигна 734, спасувачите се борат со нови закани

Бројот на загинати во катастрофалните поплави во Непал и Тибет достигна 734, додека спасувачките екипи се соочуваат со нови опасности и исклучително тешки услови на теренот.

— реклама —

Свлечиште создало ново преградно езеро во реката, поради што властите стравуваат од дополнително зголемување на нивото на водата и нови поплави. Истовремено, спасувачите продолжуваат со потрагата по повеќе од 930 работници кои се заглавени во различни објекти на хидроелектраните.

Непалската армија испуштила храна во тунелите на хидроелектраната кај тешко погодениот град Тришули, но засега не е воспоставен контакт со работниците кои се наоѓаат внатре.

— реклама —

Во Кина, властите почнале да ги евакуираат спасувачите распоредени во близина на однесениот граничен премин. Причината е новата брана од одрони, која се формирала на околу три километри од веќе постоечкото преградно езеро.

— реклама —

Нивото на водата во двата басени постојано се следи поради опасност од прелевање или пробивање на природните брани.

Во главниот град Катманду пристигнуваат пратки со неопходни медицински материјали. Светската здравствена организација предупредува дека голем број здравствени установи се разурнати и дека потребите на населението се огромни.

Помош испраќаат и Обединетите нации, но доставата е отежната поради уништените патишта, тешко пристапниот терен и обилните врнежи. Според прогнозите, дождовите во погодените области ќе продолжат најмалку до утре.