Брзата одлука на директор во Непал спаси 900 ученици од смртоносните поплави

Брзата одлука на директорот на едно училиште во Непал да ги евакуира учениците веројатно спасила околу 900 животи во разорните поплави што ја погодија земјата.

— реклама —

Раџендра Давади, директор на средното училиште „Трибхуван Тришули“ во Нувакот, за Би-Би-Си раскажал дека во рок од само неколку минути добил четири предупредувања за опасност од поплави. Откако дознал дека надојдената вода веќе го поплавила подрачјето Бетравати, решил веднаш да ги евакуира учениците на повисоко и побезбедно место.

— реклама —

Училиштето има повеќе од 1.600 ученици, а околу 900 од нив тој ден биле евакуирани пред водата да стигне до објектите во близина.

„Да ја донесевме одлуката 10 минути подоцна, никој од нас, вклучително и учениците и јас, немаше да може да разговара со вас денес“, изјавил Давади.

— реклама —

Една од ученичките раскажала дека таа и нејзините пријатели преживеале за само неколку секунди, додека гледале како поплавата го однесла блискиот пазар.

Во катастрофалните поплави во Непал досега загинале најмалку 794 лица, додека повеќе од 2.500 се водат како исчезнати. Во Тибет, според кинеските државни медиуми, загинале 16 лица, а 546 се водат како исчезнати.