Одолговлекувањето на почетокот на преговорите со ЕУ создава напната атмосфера во нашето општество, посочува пратеничката од СДСМ, Славјанка Петровска во емисијата „24 анализа“.
Таа потенцира дека тоа сериозно делува на отворање широка врата за влез на евроскептицизмот во државата.
-Ова прашање е сериозно стратешко прашање на ЕУ. Апелирам како политичар и граѓанин, бугарскиот политички врв сериозно да ја разгледа својата одлука и навистина да се предомисли и да го верификува сето она што РСМ го направи на планот на евроинтеграција. Жално е што Бугарија ја злоупотребува својата позиција во ЕУ и го прекршува Договорот за пријателство, констатира Петровска.
