Бури и торнада во САД: Над 20 мртви, 300 илјади луѓе останаа без струја

Скоро 300.000 Американци во седум држави се без струја од вчера поради торнада и разорни грмотевици.

— реклама —

Во текот на викендот, 23 лица загинаа во големите бури, а синоптичарите велат дека се можни повеќе, придружени со силни ветрови, град и поројни поплави. Во утринските часови, обилен дожд се очекува да го погоди источниот брег, вклучувајќи делови од Њујорк, Пенсилванија, Њу Џерси и Мериленд, соопшти Националната метеоролошка служба (NWS).

— реклама —

Поради невремето загинаа неколку лица. Осум од нив во Арканзас, седум во Тексас, двајца во Оклахома и пет во Кентаки. Две деца загинаа во Тексас. Една постара жена во Алабама загинала откако дрво паднало врз нејзиниот дом, а фармер и неговите 34 крави биле убиени од гром во Колорадо.

— реклама —

NWS, исто така, прогнозира дека во вторник над Тексас може да се развијат силни грмотевици, со удари на ветер до 120 километри на час.

Жештините ќе продолжат на југот од земјава, а се очекуваат рекордно високи температури.