„Бутел стана Тексас, вака не било никогаш“, Костовски потсети дека има куп нерасветлени убиства

,,Бутел стана Тексас, вака не било никогаш. Има еден куп нерасветлени убиства, обиди за убиства и пукања, да не ги штитите вие, зошто се нерасветлени, да не сте другари?” – ова денеска го запраша Дарко Костовски кандидатот за градоначалник од СДСМ за Бутел Велимир Смилевски на соочувањето во Студио 10 во Телевизија 24 помеѓу двајцата кандидати за градоначалници на Бутел.

— реклама —

Костовски кажа дека целото опкружување на Смилевски се состои само од криминалци и дека токму тој е оној што го уништил соживотот во Бутел кој претходно го ветувал за време на својата кампања.

— реклама —

— реклама —

,,Не е проблем тоа што Велимир Смилевски се дружеше со криминалци, проблемот е што тие ја водат општината. Јас ова го кажувам не за да го имам како мисла во моментот, туку ова е ноторен факт. Не постои човек во Бутел што ова не го знае и тоа го гледам на терен. Прво нешто што ми забележуваат граѓаните на Бутел е дека Велимир не изгради ништо, а втората работа е дека цело време е опкружен со криминалци.” – рече Костовски.

Костовски пренесе и порака од своите сограѓани Албанци со кои се сретнал во изминатиов период, дека ќе гласаат за ВМРО – ДПМНЕ и Коалицијата поради тоа што Велимир Смилевски општината ја претворил во приватна сопственост во која шефуваат криминалци.