Цените на нафтата во пад поради преговорите меѓу САД и Иран

Цените на нафтата забележаа пад на светските пазари, бидејќи инвеститорите внимателно го следат напредокот на индиректните преговори меѓу САД и Иран, како и најновите податоци за залихите на нафта во Соединетите Американски Држави.

— реклама —

На лондонската берза „Ај-Си-И Фјучерс“, септемвриските договори за испорака на суровата нафта „Брент“ поевтинија за 1,47 долари, односно за 2,02 проценти, и достигнаа цена од 71,48 долари за барел.

— реклама —

Во исто време, августовските договори за американската сурова нафта „Вест Тексас интермидиет“ (ВТИ) на берзата „Најмекс“ се намалија за 1,04 долари, или 1,5 проценти, па со нив се тргуваше по цена од 68,46 долари за барел.

Дополнителен притисок врз пазарот создадоа и најновите податоци од американската Администрација за енергетски информации, според кои стратешките резерви на нафта во САД се намалиле за 5,536 милиони барели и достигнале 325,655 милиони барели, што е најниско ниво од мај 1983 година.

— реклама —

Во неделниот извештај се наведува и дека комерцијалните залихи на сурова нафта во САД минатата недела се намалиле за 3,78 милиони барели.

— реклама —

Истовремено, залихите на бензин се намалиле за 2,33 милиони барели, додека залихите на дестилати се зголемиле за 2,48 милиони барели. Овие податоци се разликуваат од очекувањата на аналитичарите, кои прогнозираа помал пад на резервите на бензин и намалување на залихите на дестилати.