Цените на поморскиот транспорт скокнаа за 76 отсто поради кризата на Блискиот Исток

Цените на поморскиот транспорт нагло пораснаа од почетокот на конфликтот меѓу САД, Израел и Иран, додека сообраќајот низ Ормутскиот теснец и натаму е значително намален поради безбедносните ризици во регионот.

— реклама —

Според податоците на аналитичката компанија „Друри“, глобалниот индекс за транспорт на контејнери пораснал за околу 76 проценти од крајот на февруари до почетокот на јуни. Во истиот период, трговскиот сообраќај низ Ормутскиот теснец се намалил за околу 90 проценти во споредба со вообичаеното ниво.

— реклама —

Покрај безбедносните ризици, врз растот на цените влијаат и поскапувањето на бродското гориво, пренасочувањето на пловните рути и зголемената побарувачка за транспорт. Дел од бродските компании избегнуваат да пловат низ кризното подрачје, што ги продолжува роковите за испорака и ги зголемува трошоците.

— реклама —

Најголем раст е забележан на линиите меѓу Азија и САД, каде што цените на транспортот речиси се удвоиле. Значително поскапување има и на рутите кон Европа, при што транспортот од Шангај до Ротердам е повисок за повеќе од 70 проценти.

— реклама —

Аналитичарите предупредуваат дека, доколку тензиите продолжат, цените на поморскиот превоз би можеле дополнително да растат во наредниот период, со директно влијание врз глобалната трговија и крајните цени на производите.