Четворица мажи се повредени во напад со нож што се случил денеска во лондонската населба Ковент Гарден, една од најпознатите туристички области во британската престолнина.
Според британските медиуми, полицијата уапсила жена во четириесеттите години од животот, која е осомничена за напад и недозволено поседување оружје.
Повредените добиле прва помош на местото на настанот, по што биле пренесени во трауматолошки центар во близина на центарот на Лондон. Засега не се соопштени информации за тежината на нивните повреди.
Од лондонската полиција соопштија дека, според првичните информации, се верува дека инцидентот е поврзан со менталната состојба на осомничената.
