Четворица приведени по фудбалски натпревар во Скопје, кај еден од нив пронајдена марихуана

Четири лица од Скопје се лишени од слобода по завршувањето на фудбалскиот натпревар меѓу Шкендија Арачиново и Тиквеш, кој се одигра на стадионот на Шкупи во скопската населба Чаир.

— реклама —

Како што информира Министерството за внатрешни работи, полициски службеници од СВР Скопје ги привеле М. А. (33), Ф. Р. (21), М. Џ. (31) и Д. Ј. (36) поради повикување и учество во тепачка. Против нив се составени записници за констатиран прекршок.

— реклама —

— реклама —

При приведувањето, кај 33-годишниот М. А. била пронајдена марихуана, поради што тој е лишен од слобода и по член 215 од Кривичниот законик.

Од МВР информираат дека по целосното документирање на случаите ќе бидат поднесени соодветни пријави.