Четворица приведени во Тетово и Гостиварско поради управување возила без возачка дозвола

Четири лица биле лишени од слобода во Тетово и Гостиварско поради управување патнички возила без соодветно стекнато право за управување, соопшти МВР. При интервенциите биле одземени и возилата.

— реклама —

На 1 октомври во 15:00 часот, на улицата „167“ во Тетово, полициски службеници од СВР Тетово го лишиле од слобода 31-годишниот Р.С. од Тетово. Тој бил затекнат како управува автомобил „бмв“ со тетовски регистарски ознаки без положен возачки испит. Возилото било одземено, а лицето било задржано во полициска станица. По целосното документирање на случајот ќе следува соодветен поднесок.

— реклама —

Истиот ден во 09:00 часот, во селото Зубовце, гостиварско, полициски службеници од Полициското одделение за безбедност на патниот сообраќај Гостивар го лишиле од слобода 25-годишниот А.Ф. од Врапчиште. Тој управувал автомобил „киа“ со гостиварски регистарски ознаки без возачка дозвола. Возилото било одземено, а против него ќе следува поднесок по член 297-а од Кривичниот законик.

Во 12:10 часот во Зубовце бил лишен од слобода и 48-годишниот М.Л. од Гостивар. Тој управувал автомобил „мицубиши“ со гостиварски регистарски ознаки пред да се стекне со право на управување. Возилото било одземено, а по документирањето на случајот ќе следува поднесок по член 297-а од Кривичниот законик.

— реклама —

Во Тетово, пак, на 2 октомври во 00:30 часот, на крстосницата на улиците „ЈНА“ и „Видое Смилевски Бато“, полициски службеници го лишиле од слобода 19-годишниот С.М. од Тетово. Тој бил затекнат како управува автомобил „бмв“ со тетовски регистарски ознаки без возачка дозвола.

Возилото било одземено, а против 19-годишникот ќе следува соодветна пријава по член 297-а од Кривичниот законик.