Црна Гора бележи туристички раст: Во јули над 1 милион ноќевања, најмногу гости од Србија

Туристичкиот промет во Црна Гора продолжува да расте, покажуваат најновите податоци на Управата за статистика – Монстат. Во јули, во колективното сместување биле регистрирани 244.754 туристички пристигнувања, што е раст од 4,4 отсто во споредба со истиот месец минатата година.

— реклама —

Туристите во текот на јули оствариле вкупно 1.081.249 ноќевања. Странските гости учествувале со 91,6 отсто од вкупниот број ноќевања, додека домашните туристи од Црна Гора оствариле 8,4 отсто.

— реклама —

Најбројни биле туристите од Србија, со 42.557 пристигнувања. Тие оствариле 247.437 ноќевања, што претставува една четвртина, односно 25 отсто од сите ноќевања во колективното сместување во Црна Гора.

— реклама —

По бројност следуваат туристите од Босна и Херцеговина, Велика Британија, Русија и Полска. Од земјите надвор од Европа, значаен број посетители пристигнале од Израел, САД и Кина.

Најголемиот дел од туристичките ноќевања биле остварени во приморските места – 92,4 отсто. Во главниот град биле реализирани 3,7 отсто од ноќевањата, а во планинските места 2,6 отсто.