Црна Гора денеска затвора три поглавја во преговорите со ЕУ

Црна Гора денеска ќе затвори три преговарачки поглавја со Европската Унија, наместо претходно најавените две, соопшти потпретседателот на црногорската Влада задолжен за надворешни и европски работи, Филип Ивановиќ.

— реклама —

Како што пренесува РТЦГ, одлуката ќе биде објавена на денешната Меѓувладина конференција со ЕУ. Со новиот напредок, Црна Гора ќе има привремено затворено вкупно 21 поглавје од преговорите.

— реклама —

Ивановиќ оцени дека станува збор за одлична вест за европската интеграција на земјата и порача дека Владата посветено работи на исполнување на целта за членство во Унијата.

— реклама —

„За разлика од политичките актери кои без срдечност гласаат за европски закони, одбиваат да ги поддржат потребните уставни измени и се обидуваат на секој начин да го забават европскиот пат, Владата ја извршува својата работа одговорно и посветено“, изјави Ивановиќ.

— реклама —

Тој додаде дека затворањето на трите поглавја ќе ја приближи Црна Гора до амбицијата да стане 28. членка на Европската Унија до 2028 година.