Црна Гора го укинува безвизниот режим за граѓаните на Русија, Белорусија и Турција

Од 1 ноември 2026 година, граѓаните на Русија, Белорусија и Турција ќе треба да имаат виза за влез, транзит и престој во Црна Гора.

— реклама —

Одлуката е донесена во рамки на процесот на усогласување на црногорската визна политика со политиката на Европската Унија, како дел од обврските поврзани со пристапувањето кон ЕУ.

— реклама —

Црногорската Влада на 23 јули 2026 година ја усвои измената на Уредбата за визниот режим, со која се предвидува воведување визна обврска за граѓаните на трите земји од 1 ноември.

Бидејќи безвизниот режим со Русија, Белорусија и Турција е регулиран и со меѓународни договори, Владата ќе преземе постапки за престанок на нивната важност.

— реклама —

За Турција, сепак, е предвидена можност за посебен режим. Црна Гора ќе започне постапка за склучување нов билатерален договор со кој би се регулирал визниот режим за носителите на дипломатски, службени и специјални пасоши.

Според црногорската Влада, со тоа би се овозможил континуитет на безвизниот режим за овие категории патни исправи, во согласност со правилата на ЕУ во областа на визното законодавство.