Кинескиот национален метеоролошки центар денеска објави црвена тревога, или тревога на највисоко ниво, како подготовка за ударот на супертајфунот Јаги.
Се очекува тајфунот да ги погоди крајбрежните области од градот Венгчанг во провинцијата Хаинан до Леижоу во провинцијата Гуангдонг помеѓу попладневните и вечерните часови.
Министерството за водни ресурси го зголеми предупредувањето за поплави во Гуангдонг и Хаинан на трето ниво и испрати четири тима да ги насочат напорите за спречување поплави во Хаинан, Гуангдонг, Гуангкси и Јунан, објави Ксинхуа.
Министерството најави дека ќе вложи напори во следењето на развојот на тајфунот, водењето на локалните самоуправи во протоколите за превенција од катастрофи и обезбедувањето на безбедноста на животот и имотот.
Околу 419.367 жители на јужната кинеска провинција Хаинан се евакуирани денеска бидејќи супертајфунот Јаги се очекува да удри во текот на денот, соопштија локалните власти.
Според извештаите, до утре напладне се очекува нивото на морето да се зголеми за 150 до 230 сантиметри долж северното крајбрежно подрачје на островот Хаинан.
Во исто време, големи поплави предизвикани од бури и обилни врнежи беа најавени во најголемиот град на островот, Хаику, пренесува Ксинхуа.
