Црвен метеоаларм во речиси цела Италија поради нов топлотен бран

Италијанското Министерство за здравство издаде црвен метеоаларм за понеделник за речиси сите поголеми градови во земјата поради новиот бран на високи температури што ја зафаќа Европа.

— реклама —

Од вкупно 27 поголеми градови, само Реџо Калабрија и Месина нема да бидат под највисокото, трето ниво на предупредување.

— реклама —

Според прогнозите, максималната температура во Неапол може да достигне до 39 степени Целзиусови, во Фиренца и Палермо до 38, а во Рим до 37 степени. Во северниот дел на земјата, во Торино, Трст и Венеција се очекуваат температури до 36 степени.

— реклама —

Италијанските власти предупредуваат дека црвениот аларм означува екстремни горештини кои можат да претставуваат ризик за здравјето не само на ранливите категории, туку и на здравите и активни лица.

— реклама —

Новиот бран на високи температури, кој претходно ја зафати западна Европа, сега се проширува и кон централниот дел на континентот, каде во наредните денови на поединечни места се очекуваат температури и до 41 степен Целзиусов.