Црвено предупредување во Грција: Многу висок ризик од пожари во Атика, Крит и на островите

Во повеќе региони на Грција денеска е прогласено црвено предупредување поради многу висок ризик од пожари, а државниот апарат е ставен во состојба на зголемена оперативна готовност, соопшти Цивилната заштита.

— реклама —

Црвено предупредување за опасност од пожари е прогласено во Атика, вклучително и Китира, како и во регионалните единици Коринт, Арголида, Аркадија и Лаконија, соопшти Генералниот секретаријат за цивилна заштита при Министерството за климатски кризи и цивилна заштита.

— реклама —

Истото предупредување важи и за Крит, како и за регионалните единици Беотија, Фтиотида и Евбеја. Во северниот дел на Егејското Море опфатени се Лезбос, Хиос, Самос и Икарија, а во јужниот Егеј и Кикладите.

— реклама —

Поради опасноста од пожари, државниот апарат е ставен во состојба на зголемена оперативна готовност, пренесува ЕРТ њуз.

— реклама —

Активирањето на црвеното предупредување значи дека националниот механизам за цивилна заштита е ставен во целосна мобилизација, со распоредување на потребниот персонал, опрема и средства за брза реакција во случај на избувнување пожар.