Дал 2.000 евра за документи за престој и работа во странство, па останал и без пари и без работа

Ветување дека ќе му обезбеди документи за престој и работа во странска држава го чинело 45-годишен маж 2.000 евра, откако документите не биле обезбедени, а парите веќе биле предадени. Случајот бил пријавен во полицијата, по што СВР Тетово поднело кривична пријава против 54-годишен жител на Боговиње.

— реклама —

— реклама —

Според информациите од Министерството за внатрешни работи, кривичната пријава против Н.И. (54) е поднесена поради постоење основи на сомнение за сторено кривично дело „измама“.

— реклама —

Пријавениот на оштетениот му ветил дека ќе му обезбеди документи за престој и работа во странска држава. Откако 45-годишникот ги предал парите преку посредник, документите не биле обезбедени, по што сфатил дека бил измамен.