„Се надеваме дека СДСМ од читањето на отчетите на градоначалниците на ВМРО-ДПМНЕ барем ќе научи нешто и ќе почнат и тие со реализација. Во отчетите на градоначалниците на ВМРО-ДПМНЕ ќе видат дека се реализирани или отпочнати 1090 проекти, од кои 166 се капитални. Во Отчетите ќе видат дека се отпочнати или завршени реконструкции и изградба на 206 патишта и улици, 33 градинки, 68 училишта, 96 игралишта и паркови, 111 водоводи и канализации, санирани 200 депонии“, посочи ВМРО-ДПМНЕ.
Од партијата додаваат:
„Патем овие проекти се реализираат во услови кога градоначалниците се соочуваат со десетици милиони евра долгови оставени од нивните претходници од СДСМ, во услови на континуирано намалување на дотациите кои владата треба да им ги дава на општините, во услови на енергетска криза која Владата ја донесе, а општините ја плаќаат. Но и во вакви услови и со вакви опструкции, градоначалниците на ВМРО-ДПМНЕ реализираат проекти и тоа создава нервоза кај СДСМ. Народот сега гледа дека можело да се работи и да се сработи. Разликата е очигледна.
Впрочем СДСМ е нервозен и од тоа што нивните градоначалници ги нема никаде да поднесат отчет за сработеното во овие 100 дена, затоа што едноставно скоро им е една голема НУЛА.
Проектите се тие кои носат промени за подобра иднина“.
