Лидерот на неформалната граѓанска иницијатива Коалиција за Египќани, Демир Далип на социјалните мрежи го сподели својот личен став и вели дека прво Египканите треба да влезат во уставната преамбула, па дури потоа Бугарите.
„Египканите, во континуитет од 1991 година, од кога и е нанесена голема неправда и несогледиви последици за нејзините преставници, во смисол на почитување на начелото на рамноправност и еднаквост, а потоа и степенот на соодветна и правична застапеност на Египканите во институциите на системот, се борат со сите сили, за да се елиминира таа неправда. Со, позиционирање во категоријата „и други“ практично е нанесена голема дискриминација на Египканите.
Ние, плакаме даноци, лојални сме кон државата, ги почитуваме институциите, а за возврат не можеме да го плодоуживаме правото на слободно изјаснување на етничката припадност, бидејkи сме како што истакнав сместени во елитниот „притвор“ ...и други. Хронологијата на акивностите на Египканите, по однос на ова прашање е долга над 30 години. И, за тоа, се добиени извештаи од ЕУ каде се нотирани нашите заложби, аргументирани и со цврсти докази укажани забелешки. Во таа демократска трка, за воллја на вистината, нашите сограѓани Бугарите се далеку далеку позади Египканите.
Да ви ја освежам малку меморијата и сеќавањето, дека после конфликтот 2001 година, имаше предлог, поднесен од страна на пратеник на ВМРО-ДПМНЕ за влез на Египканите во уставната преамбула, зад која застанаа сите пратеници од Охрид и Стурга и за тоа им благодарам. Јавно да му се заблагодарам на сега починатиот пратеник Амди Бајрам, кој, од денешна временска дистанца, сите увидуваме како се борел со „мангупите во политиката во Македонија“, па побара поединечно да се изјаснуваат за Предлогот.... Има, цела хронологија на активности и дејствија, кои ги чинеле Египканите, а сеуште и ги чинат, за да бидат еднакви и рамноправни со останатите етнички заедници, за да бидат соодветно и правично застапени но...???
И, да немаме дилеми, мојата теза е не само Бугарите, ами и сите кои се позиционирани во луксузниот „притвор“ ... и други, да бидат спомнати во Уставната Преамбула, бидејки, како што истакна еден виден професор, Уставот ни е со фалинки - ако ни е со фалинки, ајде да го средиме, на крајот на денот Уставот не е ниту куран, ниту библија“, стои во објавата.
