Младиот талент од Штип, Дамјан Давков, донесе гордост и радост во Македонија откако, постигна уште еден голем меѓународен успех.
Неговата мајка Никица објави дека Дамјан го освоил првото место и златниот медал на 43. Балканска математичка олимпијада, која се одржа во Солун, Грција.
Со овој извонреден резултат, Дамјан уште еднаш потврди дека е меѓу најуспешните и најперспективни млади математичари во регионот, достојно претставувајќи ја Македонија на престижниот натпревар.
Успехот на младиот штипјанец претставува уште едно значајно признание за македонските млади таленти и нивниот потенцијал на меѓународната сцена.
