олимпијада

Македонскиот шах доби нов херој – Тони Лазов, доби сребро на Олимпијадата

Актуелниот државен првак на Македонија во шах и член на ШК Алкалоид, ИМ Тони Лазов, го постигна најголемиот успех во кариерата на Шаховската Олимпијада, која заврши во Будимпешта, освојувајќи сребрен медал за својот индивидуален настап на втората табла, со одличен рејтинг-перформанс (2763)!Лазов игра во одлична форма последниве две години, при што претходната година на Европското екипно првенство освои велемајсторска норма, која и овојпат му беше на дофат. Со освоени извонредни 7,5 бода од 8 партии (со седум победи, од кои две извојувани на првата табла, и само со едно реми), тој се етаблираше како иден лидер на националната селекција. Воедно, на својот актуелен рејтинг од 2360 поени тој сега ќе додаде нови 33 освоени на Олимпијадата.Откако го започна турнирот со уверливи победи против послабо рангираните селекции, во четвртото коло тој ремизираше со холандскиот велемајстор Јорден ван Форест (2696 рејтинг, триесет и петторангиран во светот), а за да влезе во игра за медал, пресудни беа победите над ВМ Јаник Пелетие (2526) од Швајцарија и над ВМ Каспер Пиорун (2599) од Полска.„Многу сум среќен што успеав да освојам медал. Имав голема поддршка од тимот. Голема благодарност и до мојот тренер, ВМ Трајко Недев, кој ме подготвуваше за време на турнирот, и до мојот клуб ШК Алкалоид, кој секогаш ме поддржува“, изјави Тони Лазов.Со овој успех 24-годишниот Лазов се приклучува кон „клубот на медалисти“, во кој досега беа тројца негови колеги од ШК Алкалоид: ВМ Драгољуб Јаќимовиќ има златен медал од Олимпијадата во Истанбул 2000 година на третата табла, ВМ Трајко Недев има бронза од Олимпијадата во Ереван 1996 година на четвртата табла, додека, пак, единствената дама во ова друштво е Весна Секуловска, чиј медал е освоен на Европското екипно првенство во Пловдив 2003 година, сребро на втората табла. Воедно, неговиот тренер ВМ Трајко Недев е единствениот кој има и сребрен медал од ЕП 2003 година, освоен на третата табла, и сребрен од Светското првенство за шахисти над 50 години 2023 година, на втората табла.Тони Лазов е најмладиот носител на шаховски олимписки медал во Македонија, а кариерата ја започнува во шаховските школи на ШК Алкалоид, активно играјќи шах од својата 10-годишна возраст.ИМ Тони Лазов беше единствениот член на ШК Алкалоид во составот на машката репрезентација на Македонија на оваа 45. Шаховска Олимпијада во Будимпешта. Тимот го стартуваше турнирот како 62-рангирана екипа, а во конечниот пласман заврши на 61. место од 188 екипи кои настапија. Репрезентативците имаа 6 победи и 5 порази и освоија 12 бода, еден повеќе од женската екипа.Женската репрезентација беше 57-рангирана, а заврши на 77. место од 169 екипи славејќи 4 победи. Три средби завршија со поделба на поенот, а доживеа и 4 порази.

Спорт | пред 1 година

Олимпиецот Никола ја освои јавноста: 16 години, си отишол на Олимпијада, батали експертиве што од тренинг имаат шопска и ракија, они ни дома не биле први!

16-годишниот Никола Ѓуретановиќ кој се натпреваруваше во пливање на Олимпијадата во Париз, ја освои македонската јавност по малкуте критики кои ги доби оти резултатот не беше според очекуваното. Ѓуретановиќ веќе изјави дека завршил последен поради годините и тремата. Јавноста му даде поддршка да продолжи понатаму со уште подобри настапи, а со оглед дека тој по 28 години го помина рекордот на Маленко во Македонија.„Ако досега сте ја следеле кариерата на нашиот шамион и олимпиец Никола Ѓуретановиќ сите ќе бевте горди и среќни за неговата истрајност,храброст и желба за презентирање на нашата земја! Никола ги немаше условите за подготовки кои ги имаа германците, американците, швеѓаните и т.н. но Никола и неговиот тренер макотрпно се спремаа и отидоа! Никола уште сега во регионов победува каде и да оди, а замислете на следната Олимпијада со какво искуство ќе се натпреварува! И уште нешто! Никола Ѓуретановиќ има 16 годинини а се натпреваруваше на Олимпијада! Другите 16 годишни секоја вечер кршат колички од Тинекс и Веро и тоа за нив е успех...Понатаму не продолжувам....Се е јасно! Сега честитајте му на ова младо дете за истрајноста и упорноста и посакајте му се поголеми успеси! Никола, ти си гордост наша! Прв во групата беше Илијас Ел Фалаки од Мароко, а по него следеа Џибрил Раеквон Ноел од Гвајана, Алберто Вега од Костарика, како и Мохамед Ридван од Кенија. Ѓуретановиќ (10 години помал од нив) од првиот пливач заостана 3,79 секунди. П.с. А ниеден пливач од Македонија не исполнил норма за настап на Олимписки игри. Сите настапуваат со Вајлд карта за да може секоја држава на планетава да има претставник на Олимпијада!“, стои на социјалните мрежи.„Браво Никола! Без разочарувања! 👏💪 Како најмлад Олимпиец пред тебе е успешна долга кариера“, му порачаа други."Прв во групата беше Илијас Ел Фалаки од Мароко, а по него следеа Џибрил Раеквон Ноел од Гвајана, Алберто Вега од Костарика, како и Мохамед Ридван од Кенија. Ѓуретановиќ (10 години помал од нив) од првиот пливач заостана 3,79 секунди. П.с. А ниеден пливач од Македонија не исполнил норма за настап на Олимписки игри. Сите настапуваат со Вајлд карта“, напиша Ангелина Тасевска.„Навредуваат едно дете кои со своите 16 години се појави на олимпијада, додека нивните деца и внуци не знаат кај тераат од гнасотилаци и невоспитување. Па добро, кога подобро ќе размислиш, таа несреќна фрустрација мораше да ја истурат на некого и ете им се пружи шанса. Напред дете наше. Животот е пред тебе ❤️🇲🇰 Не сме сите со ист “сотфвер” на мислење и живеење живот во оваа наша Македонија“, напиша водителот Ване Марковски.„Ама пливачов Ѓуретановиќ дека изјавил "имав трема, следниот пат ќе биде подобро". Срце. Дечко, претставуваш земја која во спортот инвестира само луѓе кои ги празнат касите наменети за таленти, услови за тренинзи зеро, имаш 16 години и си отишол на Олимпијада, биди горд на себе. И батали ова експертиве што од редовен тренинг имаат само шопска ракија па зборат дека си бил последен. Они први ни дома не биле, не па на Олимпијада. Само напред дечко“, напиша Ина Многуфина.

Коментари | пред 1 година

(Видео) Најголемиот гаф на отворањето на Игрите: Дали забележувате што не е во ред со знамето?

Поделени се мислењата за свеченото отворање на Олимписките игри во Париз. На некои им се допадна, но се чини дека на повеќето не им се допадна. Но, едно е сигурно, само мал број луѓе го забележаа најголемиот гаф на отворањето на Игрите.Иако дождот на сите им ги уништи плановите, церемонијата помина речиси совршено, освен една работа.Имено, во еден момент олимпиското знаме беше подигнато од спротивната страна од она што навистина треба да биде, но организаторите набрзо го забележаа и го коригираа.https://twitter.com/infofrance2/status/1816935247642001739За прв пат во историјата на Олимписките игри свеченото отворање се одржа на реката и надвор од стадионот.Олимпискиот оган заедно го запалија легендарните француски спортисти, атлетичарот Мари-Жозе Перек и џудистот Теди Рине, а пред нив факелот го носеа спортските великани како Надја Команечи, Карл Луис, Серена Вилијамс, Зинедин Зидан, Рафаел Надал, Тони Паркер. , Амели Морезмо...По палењето на олимпискиот оган, свеченото отворање на Игрите, кое траеше цели четири часа, заврши со настапот на светската музичка ѕвезда Селин Дион.Свечената церемонија започна со Парадата на народите на чамци на Сена, а во согласност со олимписката традиција, Грција ја предводеше Парадата на народите.

Магазин | пред 1 година