Даночни прекршувања од 92.000 евра откриени на туристички бродови на Санторини

Даночни прекршувања поврзани со износ од 92.000 евра откриле грчките даночни инспектори при ненајавени контроли на туристички бродови и катамарани кои организираат крстарења околу Санторини. За утврдените неправилности биле изречени казни во вкупна вредност од 43.000 евра.

— реклама —

Контролите ги спровела Независната управа за јавни приходи на Грција (ААДЕ) во рамките на операцијата „Ќе те носам на крстарење 2026“, која била реализирана врз основа на анализа на даночни и статистички податоци.

— реклама —

Инспекторите ги проверувале туристичките бродови при нивното враќање од целодневните и попладневните крстарења, со фокус на издавањето фискални сметки, правилната примена на ДДВ, начинот на плаќање и чувањето на потребната документација.

— реклама —

Од вкупно 26 проверени туристички бродови, кај 12 биле утврдени даночни неправилности. Меѓу нив биле неиздавање или неправилно издавање сметки, неприкажување на потребните документи, наплата во готовина на суми над 500 евра, како и примена на пониска стапка на ДДВ од дозволената.

— реклама —

Од ААДЕ соопштија дека контролите продолжуваат со детална проверка на компаниите кај кои биле утврдени прекршувања. Ќе се врши и вкрстување на достапните даночни податоци, а доколку има потреба, контролите ќе бидат проширени и на претходни даночни периоди.