Поранешниот голман на Манчестер Јунајтед, Давид де Геа, на шеговит начин му „се одмазди“ на Бруно Фернандез откако Португалецот го сруши неговиот клупски рекорд.
Откако Манчестер Јунајтед објави дека Фернандез ја освоил петтата награда „Сер Мет Базби“ за играч на сезоната, со што ги надмина Де Хеа и Кристијано Роналдо, шпанскиот голман реагираше на социјалните мрежи.
Де Геа под објавата остави краток коментар „Бруно“ со емотикон со среден прст, а реакцијата брзо стана вирална.
Бруно Фернандез сезонава е во одлична форма и со пет освоени награди за играч на годината стана рекордер на клубот. Де Геа и Роналдо претходно ја имаа освоено наградата по четири пати.
Португалскиот играч за врска сега е и блиску до нов рекорд во Премиер лигата. Му недостига уште една асистенција за да се израмни со рекордот од 20 асистенции во една сезона, кој го држат Тјери Анри и Кевин де Брујне.
Со 19 асистенции и уште два натпревари до крајот на сезоната, Фернандез има голема шанса да испише нова историја во англискиот фудбал.
