(Видео) Раскол во Манчестер јунајтед: Фернандеш со директна порака до Карик по дебаклот од Комо

Фудбалерите на Манчестер јунајтед доживеаја тежок пораз од Комо со 4:1 во третото коло од Лигата на шампионите, а капитенот Бруно Фернандеш по натпреварот отворено укажа на одговорноста на стручниот штаб за лошото издание на тимот.

Италијанскиот клуб целосно го надигра англискиот гигант пред своите навивачи и заслужено славеше со убедливи 4:1.

— реклама —

Јунајтед имаше проблеми уште од самиот почеток, а Фернандеш призна дека неговиот тим повторно лошо го отворил натпреварот, примил ран гол и не успеал да го пронајде вистинскиот ритам.

„Очигледно е дека ова не е првпат да ни се случи ваков пораз. Почнавме многу лошо и рано примивме гол. Мислам дека ни недостигаше притисок врз играчот што ја има топката и дека немавме многу добри моменти. Работите не одеа во наша корист, па уште од почетокот бевме лошо расположени, како однапред да го насетувавме поразот“, изјави португалскиот играч.

— реклама —

Капитенот на англискиот тим потоа зборуваше и за тактичките замисли на стручниот штаб, јасно посочувајќи дека играчите на теренот ги следеле добиените инструкции.

„Одлуката на стручниот штаб е да не играме со цврст пресинг човек на човек и понекогаш да оставаме малку простор зад нашата одбрана, со цел да ја освоиме топката во почетната фаза. Меѓутоа, кога на такви екипи ќе им дозволите премногу да ја имаат топката, тие добиваат самодоверба“, истакна Фернандеш.

— реклама —

Тренерот на Манчестер јунајтед, Мајкл Карик, не се осврна подетално на изјавите на својот капитен, туку во прв план го стави извинувањето до навивачите поради прикажаната игра.

„Неверојатно многу ми значат навивачите. Тие се срцето на овој клуб и секогаш ќе бидат. Морам да им се извинам за она што го прикажавме. Со оглед на сè што направија за да дојдат овде вечерва, а потоа мораа да гледаат ваква претстава, навистина сочувствувам со нив“, порача Карик.

По убедливиот пораз, во центарот на вниманието се тактичките одлуки на стручниот штаб, а зборовите на Фернандеш дополнително ги засилија прашањата за играта и пристапот на Манчестер јунајтед.