„Деаноски и Трендафилов да кажат дали синдикалните пари завршиле за наградување на привилегирани членови блиски до СДС“. вели Петрушевски

На денешната прес-конференција, пратеникот на ВМРО-ДПМНЕ, Бране Петрушевски, обвини дека раководството на Сојузот на синдикатите на Македонија и на УПОЗ наместо за заштита на работничките права, трошело значителни средства за спортски игри и патувања во Црна Гора.

— реклама —

На прес-конференција, пратеникот на ВМРО-ДПМНЕ, Бране Петрушевски, побара одговори од претседателот на УПОЗ, Трпе Деаноски, и претседателот на ССМ, Слободан Трендафилов, дали синдикалните средства биле искористени за наградување на привилегирани членови блиски до СДСМ.

— реклама —

Според Петрушевски, спортските игри во Црна Гора чинеле околу 60.000 евра, сума за која тврди дека претставува значителен дел од средствата што ги издвојуваат членовите на синдикатот преку членарина.

— реклама —

Тој посочи дека очекува одговор дали е точно дека овогодинешните спортски игри биле организирани во Црна Гора за да им се излезе во пресрет на синдикалци кои, според него, биле блиски до СДСМ, како и дали поради тоа биле маргинализирани долгогодишни членови на синдикатот.

— реклама —

Од ВМРО-ДПМНЕ оценуваат дека раководството на ССМ и УПОЗ се оддалечува од работниците и нивните интереси, тврдејќи дека синдикатот постепено го губи легитимитетот и довербата кај членството.