ПЕТРУШЕВСКИ

„Митото од 2.000 евра за Богац било прво од неколкуте исплати кои требал да ги добие за местениот тендер во Царина вреден 18 милиони денари“, вели Петрушевски

На денешната прес-конференција, пратеникот на ВМРО-ДПМНЕ, Бране Петрушевски, изнесе обвинувања дека митото од 2.000 евра кое, според него, било наменето за поранешниот директор на Царинската управа, Стефан Богоев, претставувало само прва од неколкуте исплати поврзани со тендер вреден 18 милиони денари.Петрушевски тврдеше дека, според информации добиени од свиркачи, комуникацијата за договорот била водена директно меѓу Богоев и Александар Спирковски – Џемо преку апликацијата Вибер.Според него, Спирковски, кој ја застапувал фирмата што го добила тендерот за одржување на хигиена на граничните премини и терминали, договорил повеќе финансиски исплати за Богоев, при што една од наводните транши изнесувала над 110.000 денари.„Јавноста заслужува да добие одговор колку пари требало да добие Стефан Богоев за да го намести овој тендер вреден 18 милиони денари“, изјави Петрушевски.Во своето обраќање, тој упати критики и кон СДСМ, оценувајќи дека партијата е поврзана со, како што рече, криминал, афери, скандали, тендери и провизии.Од СДСМ засега нема реакција на обвинувањата изнесени на прес-конференцијата.

Македонија | пред 3 часа

„Деаноски и Трендафилов да кажат дали синдикалните пари завршиле за наградување на привилегирани членови блиски до СДС“. вели Петрушевски

На денешната прес-конференција, пратеникот на ВМРО-ДПМНЕ, Бране Петрушевски, обвини дека раководството на Сојузот на синдикатите на Македонија и на УПОЗ наместо за заштита на работничките права, трошело значителни средства за спортски игри и патувања во Црна Гора.На прес-конференција, пратеникот на ВМРО-ДПМНЕ, Бране Петрушевски, побара одговори од претседателот на УПОЗ, Трпе Деаноски, и претседателот на ССМ, Слободан Трендафилов, дали синдикалните средства биле искористени за наградување на привилегирани членови блиски до СДСМ.Според Петрушевски, спортските игри во Црна Гора чинеле околу 60.000 евра, сума за која тврди дека претставува значителен дел од средствата што ги издвојуваат членовите на синдикатот преку членарина.Тој посочи дека очекува одговор дали е точно дека овогодинешните спортски игри биле организирани во Црна Гора за да им се излезе во пресрет на синдикалци кои, според него, биле блиски до СДСМ, како и дали поради тоа биле маргинализирани долгогодишни членови на синдикатот.Од ВМРО-ДПМНЕ оценуваат дека раководството на ССМ и УПОЗ се оддалечува од работниците и нивните интереси, тврдејќи дека синдикатот постепено го губи легитимитетот и довербата кај членството.

Македонија | пред 4 дена

„Синдикалните членарини не смеат да служат за привилегирани патувања и луксузни игри на Јадранот“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција упати критики кон раководствата на УПОЗ и ССМ, обвинувајќи ги за ненаменско трошење на средствата собрани од синдикалните членарини.Според Петрушевски, синдикалните организации треба да бидат насочени кон заштита на работничките права и подобрување на стандардот на членовите, а не кон организирање на скапи патувања и настани надвор од државата.„Синдикалните членарини не смеат да служат за привилегирани патувања и луксузни игри на Јадранот. Работниците во Македонија заслужуваат чесно, одговорно и транспарентно синдикално претставување, а не раководства кои од нивните членарини организираат скапи патувања и луксузни спортски настани надвор од Македонија“, изјави Петрушевски.Тој тврдеше дека претседателот на УПОЗ, Трпе Деаноски, со средства од синдикатот организирал четиридневни спортски игри во Чањ, Црна Гора, и побара јавно да одговори дали е точно дека на настанот предност имале членови на синдикатот кои учествувале на протестите заедно со него и со претседателот на ССМ, Слободан Трендафилов.Петрушевски оцени дека синдикалните раководства се оддалечуваат од потребите на членството и, наместо да се борат за подобри услови за работниците, се занимаваат со активности кои, според него, не се во интерес на синдикалците.„Деаноски и Трендафилов треба повеќе да работат и да се трудат да го полнат џебот на работниците, а не да живеат на сметка на истите“, порача Петрушевски.Од УПОЗ и ССМ засега нема реакција на изнесените обвинувања.

Македонија | пред 5 дена

„Трпе Деаноски од членарините на синдикалците организира луксузни екскурзии на Јадранот, имало и привилегирани“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција обвини дека претседателот на УПОЗ, Трпе Деаноски, организирал четиридневни спортски игри во Чањ, Црна Гора, за кои, според него, биле потрошени околу 60.000 евра од членарините на синдикалците.На прес-конференција, Петрушевски оцени дека раководството на ССМ и УПОЗ се оддалечува од работниците и, наместо да се фокусира на заштита на работничките права, организира активности кои ги нарече луксузни.„Трпе Деаноски, претседател на УПОЗ и член на претседателството на ССМ, предводено од Слободан Трендафилов, организираше спортски игри кои траеле четири дена во Чањ, Црна Гора и за кои биле потрошени 60.000 евра“, изјави Петрушевски.Тој посочи дека, според информации добиени од, како што рече, разочарани членови на синдикатот, предност за учество на настанот добивале членови блиски до СДСМ.Петрушевски побара Деаноски јавно да одговори дали на спортските игри биле наградени лица кои претходно учествувале на протестите организирани од него и од претседателот на ССМ, Слободан Трендафилов.Според пратеникот, ССМ и УПОЗ губат членство, а доколку продолжат со ваков начин на работа, ризикуваат да се претворат во организација на привилегирани поединци, наместо во синдикати кои ги застапуваат интересите на работниците.„Работниците во Македонија заслужуваат чесно и одговорно синдикално претставување, а не синдикални функционери кои од нивните членарини прават луксузи“, порача Петрушевски.

Македонија | пред 6 дена

„Трпе Деаноски од УПОЗ за луксуз и спортски игри во Црна Гора потрошил над 60.000 евра“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција обвини дека претседателот на УПОЗ, Трпе Деаноски, потрошил над 60.000 евра за организирање спортски игри во Црна Гора, користејќи средства од членарините на синдикалците.Петрушевски истакна дека, додека јавно се зборува за ниски плати и лош животен стандард, раководството на синдикатот, според него, се луксузирало на сметка на своите членови.Тој посочи дека преку синдикатот на УПОЗ биле организирани четиридневни спортски игри во туристичкото место Чањ, во Црна Гора, наместо во некој од туристичките центри во Македонија.Според Петрушевски, станува збор за непримерно трошење пари собрани од членарини, додавајќи дека „синдикалците на батерии“ пред јавноста се претставуваат како борци за работнички права, а зад камерите трошат средства за луксуз и патувања.

Македонија | пред 1 седмица

Петрушевски: Филипче и СДС повторно демантирани и разобличени, овој пат од Томас Вајц и Брисел, ИПАРД програмата не е блокирана, Реформската Агенда има напредок

Од ВМРО-ДПМНЕ преку соопштение обвинуваат дека СДСМ и нивниот лидер Венко Филипче пласирале дезинформации во врска со ИПАРД програмата и напредокот на Реформската агенда.Според изјавата на прес-конференцијата на пратеникот Бране Петрушевски, тврдењата дека средствата од ИПАРД се блокирани се неточни и претставуваат, како што вели, обид за манипулација на јавноста и земјоделците. Тој посочува дека по случувањата во Платежната агенција, институциите презеле мерки, побарале контрола од Брисел и добиле извештај според кој системот функционира законски и без злоупотреби.Петрушевски на прес-конференцијата наведува дека реализацијата на ИПАРД програмата продолжува, спротивно на тврдењата на опозицијата.Во однос на Реформската агенда, тој се повика на изјава на европратеникот Томас Вајц, кој, според него, појаснил дека претходно цитирани ставови биле стари неколку месеци и дека земјава бележи напредок.Од ВМРО-ДПМНЕ во соопштението оценуваат дека ваквите, како што велат, неточни информации од СДСМ се дел од политичка стратегија, но додаваат дека тие брзо се демантираат.Петрушевски на прес-конференцијата истакна дека Владата ќе продолжи со реформите и евроинтегративниот процес, нагласувајќи дека напредокот бил позитивно оценет и од претставници на земјите членки на Европската Унија.

Македонија | пред 1 месец

Петрушевски: Филипче и СДС за власт се спремни да го продадат македонскиот јазик, култура и идентитет

Пратеникот од ВМРО-ДПМНЕ, Петар Петрушевски, упати остри обвинувања кон СДСМ и нивниот лидер Венко Филипче, тврдејќи дека партијата е подготвена да прави отстапки на штета на македонскиот идентитет само за да дојде или остане на власт.Во изјавата се наведува дека, како што тврди Петрушевски, „лојалноста на СДСМ кон бугарски политички структури“ се зголемува, што, според него, негативно влијае врз македонските позиции во меѓународните преговори.Тој ги обвини СДСМ дека немаат проблем со различни интерпретации на македонската историја и идентитет, наведувајќи дека за партијата, како што рече, приоритет е власта, а не државните интереси, стои во соопштението.Петрушевски исто така ги повтори критиките поврзани со евроинтеграциите, тврдејќи дека СДСМ со години ја менувала реториката околу условите за членство во Европската Унија, при што, според него, граѓаните биле доведувани во заблуда, стои во партиското соопштение.На крајот, тој порача дека, како што рече, „времето на политички лаги е завршено“ и дека актуелната власт води политика базирана на резултати и реформи, стои во соопштението.

Македонија | пред 1 месец

Петрушевски: Левица смета дека РЕК Битола треба да се затвори и 3000 битолчани да останат без работа

Пратеникот од ВМРО-ДПМНЕ, Бране Петрушевски, на седница на Комисијата за економски прашања, труд и енергетска политика изјави дека ставовите на Левица за затворање на РЕК Битола се штетни и нереални, оценувајќи дека со тоа би се загрозиле околу 3.000 работни места и би се предизвикало поскапување на електричната енергија за домаќинствата до 30 проценти, соопштуваат од партијата.Според Петрушевски, Левица со ваквите изјави создава непотребна паника кај граѓаните и шири дезинформации, додавајќи дека нивните тврдења немаат допирни точки со реалната состојба во енергетскиот сектор. Тој посочи дека граѓаните веќе ја препознаваат, како што рече, несериозноста на оваа политичка партија. стои во соопштението.Петрушевски истакна дека не станува збор за носење нов закон за минерални суровини, како што тврдат од Левица, обвинувајќи ги дека преку социјалните мрежи пласираат неточни информации со цел политички поени, стои во соопштението.Тој нагласи дека РЕК Битола произведува повеќе од 70 проценти од базната електрична енергија во земјата и дека, во услови на актуелната геополитичка состојба, е неодговорно да се предлага негово затворање без јасна стратегија усогласена со меѓународните стандарди, стои во соопштението.Дополнително во соопштението се наведува дека Петрушевски предупреди дека евентуално либерализирање на пазарот на електрична енергија, како што го предлагаат од Левица, би довело до значително зголемување на цената на струјата за граѓаните.Тој ги повика пратениците од Левица, доколку имаат конкретни забелешки, да поднесат предлог-законски решенија за кои, како што рече, може да се отвори сериозна и аргументирана дебата, стои во соопштението.Петрушевски порача дека на државата ѝ е потребен економски развој и инвестиции, нагласувајќи дека ВМРО-ДПМНЕ ќе продолжи да работи на подобрување на животниот стандард и обезбедување повисоки приходи за граѓанит, како што е наведено во соопштението.

Македонија | пред 1 месец

Петрушевски: Филипче прво да ја стави СДС на нозе, да престане да му слугува на Заев и да лаже

Пратеникот од ВМРО-ДПМНЕ, Петрушевски, упати критики кон лидерот на СДСМ, Венко Филипче, оценувајќи дека наместо да зборува за европската интеграција, треба прво да ја консолидира својата партија и да престане, како што рече, со служење на поранешниот премиер Зоран Заев, стои во партиското соопштение.„Филипче прво да ја стави СДС на нозе, да престане да му слугува на Заев и да лаже. ВМРО-ДПМНЕ не е против ЕУ, туку против лоши договори и неефикасни политики кои се слика и симбол на СДС“, изјави Петрушевски.Тој нагласи дека Европската унија, како што рече, бара конкретни реформи и резултати, а не само политичка реторика, посочувајќи дека дел од ставовите на СДСМ не се во насока на европските стандарди, стои во соопштението.Петрушевски додаде дека ВМРО-ДПМНЕ останува посветена на европската интеграција, но со „достоинствено преговарање, јасни позиции и реални реформи“, стои во соопштението.„Граѓаните сакаат во ЕУ, но сакаат достоинствено“, порача тој.

Македонија | пред 1 месец

Петрушевски со обвинувања кон Филипче: „Му штети на евроинтегративниот процес“

Пратеникот од ВМРО-ДПМНЕ, Бране Петрушевски, упати остри обвинувања кон лидерот на СДСМ, Венко Филипче, оценувајќи дека со своето делување ја попречува евроинтеграцијата на државата и работи под влијание на поранешниот премиер Зоран Заев.Во својата изјава, Петрушевски тврди дека Филипче избегнува клучни теми поврзани со реформите и дека, како што вели, постапува во интерес на Заев.„Секој ден сведочиме дека Венко Филипче е слуга на Зоран Заев. Зошто? Затоа што само бара изговори, бега од теми како реформската агенда, само за да му поминува бизнисот на газда Заев“, изјави Петрушевски.Тој посочи дека наместо поддршка за законските измени и реформските процеси, СДСМ, според него, се фокусира на обвинувања.„Наместо поддршка за реформи, за законски измени како оние секој пратеник да има само македонско државјанство, тие обвинуваат“, рече Петрушевски.Во изјавата беа изнесени и лични квалификации за Филипче.„И тоа кој обвинува? Лица кои се дел од СДС чиј самонарачен претседател, а реално слуга на Заев, Филипче дома му е Дубаи и Обединетите Арапски Емирати“, изјави Петрушевски.Пратеникот додаде дека, според него, политиките на СДСМ во минатото довеле до корупција и застој во реформите.„Токму тие двајца го водеа системот кога СДС беше на власт, а на граѓаните им ветуваа правда, подобар живот, европска иднина. А, на што сведочеа граѓаните? На корупција, криминал, правосуден систем кој функционира по нивни диктат и секако многу лаги“, посочи Петрушевски.Според него, актуелната власт предводена од ВМРО-ДПМНЕ работи на враќање на државата на, како што наведе, „вистинскиот пат“, додека делувањето на Филипче, според Петрушевски, ги попречува демократските процеси и напредокот на земјата.

Македонија | пред 1 месец

Петрушевски: Заев се врати на Бихачка за да потсети кој е газда на СДС и да му даде насоки за работа на Филипче

ВМРО-ДПМНЕ соопшти дека појавувањето на Зоран Заев во седиштето на СДСМ во Бихаќка, по повод роденден на партијата, според нив претставува потврда дека тој сè уште има влијание врз партијата и дека, како што наведуваат, „ја одредува насоката на нејзиното делување“.Во реакцијата, пратеникот од ВМРО-ДПМНЕ, Петрушевски, обвини дека поранешниот премиер Зоран Заев, иако формално не е на функција, продолжува да има клучно влијание врз политиките на СДСМ и врз, како што тврди, одлуките на Венко Филипче и актуелното раководство на партијата.Според неговите наводи, Филипче постапувал по политички насоки поврзани со Заев, при што обвини дека фокусот на СДСМ бил насочен кон, како што рече, сопирање на европските интеграции и блокирање на реформски процеси. Тој наведе дека партијата поставува услови и најавува блокади во Собранието, наместо учество во работата на законодавниот дом, стои во соопштението.Петрушевски посочи и дека СДСМ се противи на одредени законски измени предложени од владејачкото мнозинство, меѓу кои и измените поврзани со техничката влада и државјанството на пратениците. Според него, овие постапки не придонесуваат за реформските процеси и европската агенда на државата.Во реакцијата се наведува и дека, доколку продолжи ваквиот пристап, тоа ќе има негативно влијание врз партијата и поширокиот политички процес, а Филипче е повикан да се дистанцира од, како што е оценето, политиките на Заев.

Македонија | пред 1 месец

Петрушевски: ПР-от на Заев, ги насочи СДС и Филипче да се фокусираат на избори во друга држава, наместо да прават реформи во партијата

ВМРО-ДПМНЕ преку изјава на пратеникот Петрушевски обвини дека, како што велат, ПР-тимот поврзан со Зоран Заев го насочува СДСМ и Венко Филипче кон теми поврзани со избори во други држави, наместо кон внатрешни партиски реформи.Во соопштението на ВМРО-ДПМНЕ се наведува дека СДСМ се соочува со слаб рејтинг и внатрешни поделби, при што дел од поранешни функционери се дистанцираат од партијата. Од ВМРО-ДПМНЕ тврдат дека ваквото однесување претставува „антидржавна политика“ и обид за политички дефокус.Петрушевски додава дека наместо да се занимава со состојбите во сопствените редови, СДСМ се фокусира на надворешни политички процеси, што според него нема да им донесе изборен успех.

Македонија | пред 1 месец

Петрушевски: СДСМ и Филипче наместо критики, шират лаги и демагогија

Пратеникот на ВМРО-ДПМНЕ, Петрушевски, реагираше дека СДСМ и претседателот Венко Филипче наместо да бидат кредибилна опозиција и коректив на власта, се занимаваат со изборни процеси во други држави, на кои, како што рече, нивните сестрински партии освојуваат минимална поддршка.Тој оцени дека наместо реформи, аргументирани критики и предлози, од СДСМ доаѓаат „лаги, демагогии и празни флоскули“, обвинувајќи дека партијата се фокусира на надворешни политички процеси.„СДС и Филипче наместо да бидат кредибилна опозиција и коректив на власта, се занимаваат со избори во друга држава на кои сестринските партии им освојуваат 1% од гласовите“, стои во реакцијата.Петрушевски додаде дека СДСМ треба да се фокусира на сопствената внатрешна состојба, прашувајќи зошто дел од поранешните и сегашните функционери се дистанцираат од партијата.Тој исто така наведе дека СДСМ и Филипче треба да одговорат зошто нивните сестрински партии имаат слаб изборен резултат, оценувајќи дека тоа е показател за нивната политика.Во завршницата на реакцијата се наведува дека, како што тврди, со ваквите политики СДСМ се движи кон маргинализација на политичката сцена.

Македонија | пред 1 месец

Петрушевски: СДС и Филипче наместо да ликуваат на резултати од избори во други држави, нека си се посветат на партијата која е распадната на парчиња

СДС и Филипче наместо да ликуваат на резултати од избори во други држави, нека си се посветат на партијата која е распадната на парчиња, вели Бране Петрушевски, пратеник на ВМРО-ДПМНЕ.„СДС којашто некогаш беше релевантна и кредибилна, Филипче ја доведе во комбинација со Заев, да тоне се повеќе и повеќе во жива кал и да нема како да излезе од неа.СДС којашто треба да биде главна опозиција и коректив на власта, се занимава со се, само со себе не. Се занимаваат со избори во други држави, а не си ги гледаат своите редови кои им се рушат се повеќе како кула од карти.СДС ликува на победа на партија која е член на Европската народна партија или попозната како ЕПП, партијата Тиса, каде што е член и ВМРО-ДПМНЕ. Од друга страна пак, сестринската партија на СДС и член на Партијата на Европски Социјалисти од Унгарија освои 1,18% од гласовите. Тоа е нешто слично со рејтингот кој СДС го има во Македонија, и е многу близок до рејтингот на Филипче.СДС и Филипче прават се, само не си го гледаат сопствениот двор. Наместо да се дистанцираат од политиките на аболицираниот криминалец Зоран Заев кои ги доведоа до ова дереџе, тие продолжуваат по неговите стапки и го величаат како да е најголем светец.Ако СДС продолжи да се однесува вака, им се заканува бришење од политичката сцена.Воедно, ВМРО-ДПМНЕ ја честита победата на партијата Тиса и господинот Петер Маѓар, со кои очекуваме да ја продолжиме нашата билатерална соработкаи на државно ниво да работиме на нашата интеграција во ЕУ“, вели Петрушевски

Македонија | пред 1 месец

Петрушевски: СДС и Филипче должат одговори дали нивниот врховен лидер Заев земал 4 милиони евра од Дака за промена на ДУП во Тетово

СДС и Филипче должат одговори дали нивниот врховен лидер Заев земал 4 милиони евра од Дака за промена на ДУП во Тетово за изградба на станбени единици во вредност од 200 милиони евра, вели Бране Петрушевски, пратеник на ВМРО-ДПМНЕ.„Додека СДС и Филипче молчат, на јавноста се повеќе и станува јасно како Заев менуваше детални урбанистички планови само за да удоволат на проруски бизнисмени како Дака.Дака јасно кажува дека спремен бил да му даде на Заев 4 милиони евра за парцелата во ШИК Јелак кој тој ја купува по багателна цена, за да прерасне во бетонска џунгла од над 2 илјади станбени единици.Овие 2 илјади станбени единици на Дака ќе му донесеа 200 милиони евра, а на Заев уште на старт би му припаднале 4 милиони евра.СДС, Заев и Филипче на јавноста и должат одговори, каде завршиле овие 4 милиони евра? Дали се инвестирани во недвижнини во Дубаи, акции во индиски авиокомпании или пак за вложување во бизниси во Бугарија?ЈО ова мора да го истражи за правдата да биде задоволена“, додава Петрушевски.

Македонија | пред 1 месец

Петрушевски: Отпорот на ВМРО-ДПМНЕ не ја дозволи изградбата на бетонската џунгла на Дака во Тетово

Отпорот на ВМРО-ДПМНЕ не ја дозволи изградбата на бетонската џунгла на Дака во Тетово, вели Бране Петрушевски, пратеник на ВМРО-ДПМНЕ.„На местото на ШИК Јелак во Тетово, Заев и Ахмети му договорија на прорускиот бизнисмен Дака да гради 2.000 станбени единици, деловни простории и трговски центри, чија вредност надминуваше над 200 милиони евра.Фирмата „Јелак Градба’’ го купува просторот на поранешниот гигант ШИК Јелак, која е во сопственост на прорускиот бизнисмен Дака.СДС и ДУИ, овој имот којшто е државен, го ставиле на продажба за Дака по дури четири пати пониска цена.На пример, објект од 198 квадрати на Фондот за здравствено осигурување бил процент на 122 илјади евра, а бил продаден за 34 илјади евра.За друг објект на фондот од 2359 квадрати, проценет на речиси милион и пол евра, продаден за 400 илјади.Министерството за финансии имало објект од 5021 квадрат. Иако проценет на над 3 милион евра, Дака станал сопственик за околу 730 илјади евра.Агенцијата за вработување за објект од 165 квадрати наплатила околу 24 илјади евра, иако вредел 100 илјади.За да не дојде до бетонска џунгла во Тетово, ВМРО-ДПМНЕ го блокираше овој криминален проект на Дака, одобрен од страна на СДС и ДУИ.ВМРО-ДПМНЕ секогаш работело во интерес на граѓаните. СДС и ДУИ работат во интерес на бизнисите, тендерите и процентите. Затоа се во длабока опозиција“, додава Петрушевски.

Македонија | пред 2 месеци

Петрушевски: На само ден по составување на Владата во 2020 година, власта на СДС и ДУИ во Тетово донесе нов ДУП поради бизнис интересите на Дака кои Заев му ги ветил

Кога станува збор за тендери, набавки, менување на ДУП-ови, криминал или корупција, СДС и ДУИ не мируваат ниту еден ден, вели Бране Петрушевски, пратеник на ВМРО-ДПМНЕ.„На само ден по составување на Владата во 2020 година, власта на СДС и ДУИ во Тетово донесе нов ДУП поради бизнис интересите на Дака кои Заев му ги ветил.СДС и ДУИ за лични бизнис интереси, го дадоа просторот на ШИК Јелак во Тетово на фирмата „Јелак Градба“ во сопственост на Дака, за тој таму да гради над 2.000 станбени единици, со тогашна вредност од над 200 милиони евра.СДС и ДУИ за да можат да лапнат што повеќе од колачот, овозможија на прорускиот бизнисмен и човек на црната листа, Миодраг Давидовиќ Дака да гради бетонска џунгла во Тетово.ЈО никогаш не го истражи овој случај, а и случајот за тоа каде завршиле тие 300.000 евра кои Дака вели дека му ги дал на Заев, преку Кичеец.Го повикуваме ЈО да ги истражи овие случаи, затоа што каде има чад има и оган, а каде го има СДС, има и криминал“, вели Петрушевски.

Македонија | пред 2 месеци

Петрушевски: Јавното обвинителство треба да работи во интерес на граѓаните, а не на поединци

На телевизија Канал 5 во емисијата „Само Вистина“ вечерва гостуваше пратеникот од редовите на ВМРО-ДПМНЕ, Бране Петрушевски кој истакна дека обвинителката Ленче Ристоска требала да даде оставка многу порано, поради скандалот на СЈО со бонусите и поради политичкиот прогон врз функционери од ВМРО-ДПМНЕ.„Не гледам политички притисок од страна на ВМРО-ДПМНЕ кон Ленче Ристоска, меѓутоа во изминатите години гледав и те како еден политички прогон од страна на Ленче Ристоска врз ВМРО-ДПМНЕ и врз функционери на ВМРО-ДПМНЕ. Јас лично очекував оваа оставка да ја дадеше многу порано, веднаш по скандалите со СЈО, кога беше една од најистакнатите обвинители, кога во јавноста се обелоденија оние суми коишто како бонус си ги зимале од Буџетот на Република Македонија, особено после изјавата на поранешен јавен обвинител којшто истакна дека таму Зоран Заев, Радмила Шеќеринска, Оливер Спасовски биле редовни гости и заедно со Ленче Ристоска и со останатите обвинители утврдувале кој функционер треба да биде под политички прогон, кој треба да биде ослободен, кој треба да биде притворен, со цел да се создаде еден политички инженеринг во рамките на процесите коишто ги водела тогашната влада“, рече Петрушевски.Петрушевски истакна дека Јавното обвинителство со вакви обвинители се покажало како неефикасно поради неспроведувањето на задачите за кое истото е формирано.„Сметам дека оваа оставка требаше да дојде многу порано од страна на еден ваков јавен обвинител. Се укажува дека имаме едно неефикасно Јавно обвинителство коешто не ја спроведува онаа задача за којашто е формирано и за којашто тие обвинители земале плата. Имала можност да се истакне во делот на реформа на тоа Јавно обвинителство, а не денеска откако согласно позитивните законски прописи е тргната да работи предмети коишто не се во доменот на нејзиното Јавно обвинителство“, посочи Петрушевски и додаде:„Нас ни е битно да функционира системот односно Јавното обвинителство, а не поединци да бидат таму задоволени, граѓаните бараат резултати а не политички интерес на поединци“.

Македонија | пред 2 месеци

Петрушевски: Миодраг Давидовиќ – Дака му дал 300.000 евра на Заев за да добие повратна услуга, тој ги искористил парите за инженеринг на референдумот за името

Прорускиот бизнис партнер на Заев, Миодраг Давидовиќ – Дака, е човек со контроверзно минато, и е човек кој е на црната листа на САД, поради сомнежи за корупција и злоупотреба на влијание на Балканот, вклучително и Македонија, вели Бране Петрушевски, пратеник на ВМРО-ДПМНЕ.„Дака стана познат за македонската јавност во времето на Заев, кога во 2020-тата година, излегоа аудио снимки за тоа како Зоран Заев земал пари за да се види со Дака и да направат некаков бизнис.Во аудио снимката која пред неколку години излезе на социјалните мрежи, Дака вели дека дал 300 илјади евра и 2.000 квадрати земјиште на Заев за возврат да добие услуга. Понатаму во снимката, Дака вели дека Заев овие пари ги искористил за инженеринг на референдумот за името.Освен Заев, во аудио снимката на која разговараат Дака и Зоки Милески Кичеец, кој инаку е главен посредник на Заев во случајот, се споменува и името на Драги Рашковски, поранешен генерален секретар на Владата на Заев, што значи дека тогашната власт на СДС и те како добро била поврзана со контроверзниот проруски бизнисмен Дака, па дури и го рекетирале за да можат да спроведат инженеринг на референдумот за името.Почитувани граѓани,Ја користиме оваа прилика да им се заблагодариме на СДС, кои многу добро ги знаат сите фирми на Дака, со кои нивниот шеф Заев веројатно има соработувано и заработувано, за укажувањето за фирмата Хронос Сум дека била во сопственост на прорускиот бизнисмен Дака.Владата предводена од ВМРО-ДПМНЕ нема да прави како што правеше власта на СДС и Заев, туку напротив, веднаш ќе ги преземе сите законски можности за оваа фирма да не гради и инвестира во енергетски објекти, иако фирмата ги има исполнето сите услови и законски критериуми, нешто што во времето на СДС и Заев беше мисловна именка“, вели Петрушевски.

Македонија | пред 2 месеци

Петрушевски: Во СДС нема свежина од аспект на кадровските промени и политиките коишто ги нуди

„Оние политики коишто ги спроведуваше СДС во изминатиот период резултираа до тоа СДС да падне на овој број на гласови којшто го има и да се случуваат овие процеси коишто се случуваат сега коишто иако се нивна внатрешна работа, за жал јас не препознавам дека во СДС има, не само некоја свежина од аспект на кадровските промени, нема некоја свежина и од аспект на политиките коишто СДС ги нуди. Гледаме дека прават реминисценција на одредени политики од минатото, политики коишто докажано веќе на избори биле губитнички“, истакна пратеникот од редовите на ВМРО-ДПМНЕ, Бране Петрушевски во гостување во емисијата „За или против“ на Алфа телевизија.Пратеникот Петрушевски нагласи дека процесите коишто се случуваат во СДС, иако се нивна внатрешна работа, сепак не препознава дека има свежина од аспект на кадровските промени и од аспект на политиките коишто СДС ги нуди. Тој нагласи дека во интерес на државата потребно е да имаме конзистентни ставови во делот на меѓународната политика, потенцирајќи дека од другата страна не само што нема поддршка во овој дел, туку напротив, постои одредена реторика од страна на актуелното раководство на СДС која штети на националните инетереси на државата и граѓаните.„Сметам дека е неопходно, особено што се наоѓаме во еден сериозен историски момент, во светски рамки гледано, сега имаме криза и на Блискиот Исток, меѓутоа и во историски момент за Македонија, сметам дека треба да заеднички, во интерес на државата, во интерес на граѓаните да имаме некои конзистентни ставови, да имаме и усогласени ставови, барем во делот на меѓународната политика и она коишто се наши стратешки интереси како држава. За жал, од другата страна не гледам соговорник на ваквите теми, не гледам поддршка во делот на ова, туку напротив, гледам дека одредена реторика од страна на актуелното раководство на СДС дури и штети на националните интереси на Република Македонија и на граѓаните“, дециден е пратеникот Петрушевски.

Македонија | пред 2 месеци

Петрушевски: Реформите, новите закони и кадровските решенија ќе го зајакнат правосудството

Во емисијата „Утринско еспресо“ на Радио Лидер гостуваше пратеникот од редовите на ВМРО-ДПМНЕ, Бране Петрушевски кој истакна дека реформите во правосудниот систем се насочени кон обезбедување поголема независност и ефикасност. Тој нагласи дека судството во Република Македонија мора да функционира согласно Уставот и меѓународните стандарди и дека досегашната работа на Судскиот совет била недоволно ефикасна, особено во делот на разрешување судии, притоа потенцираше дека очекува новите критериуми за избор и зголемените финансиски средства да придонесат за подобрување на состојбите во правосудството.„Мора да го имаме во предвид фактот дека правосудниот систем во Република Македонија и согласно Устав и согласно меѓународните стандарди и организации каде што и ние членуваме или сакаме да членуваме мора да биде независно и оние првични предлози коишто ние како ВМРО-ДПМНЕ ги предложивме од аспект на комплетно разрешување на Судскиот совет којшто е надлежен да избира и разрешува судии, иако читајќи ги извештаите во Собранието кои ги доставува Судскиот совет, многу ретко или скоро никогаш не ја искористиле надлежноста да разрешат судија, иако сме имале катастрофални судски процеси, а многу често ја користеле можноста да именуваат судии“, изјави Петрушевски и додаде:„Тогаш тоа беше пречекано условно кажано на нож и од меѓународните партнери на Р. Македонија коишто бараа еден друг механизам, затоа ние пристапивме кон нов начин на решавање на овој реален проблем, политичка узурпација на судството, пред се на една елита во Македонија или едно семејство коешто владеело, и од аспект на тоа направивме нов Закон за јавно обвинителство, нов Закон за судски совет, кадровски преместувања, веќе имаме нов јавен обвинител, избираме нови членови на Судски совет. Меѓутоа со новиот закон којшто значи едни различни и многу повисоки критериуми од аспект кој може да биде член на Судски совет, што очекувам многу наскоро да даде позитивни ефекти во делот на независноста на судството, пропратено со она што значи зголемени финансии“Во однос на тужбата за клевета поднесена против него, Петрушевски информираше дека веќе поднел приговор за надлежност до Основниот суд во Струмица и очекува предметот да биде префрлен во Скопје, каде, како што истакна, ќе може „на неутрален терен“ да се соочат аргументите на двете страни.„Согласно Законот за граѓанска одговорност за навреда и клевета во член 22 стои дека надлежен суд за водење на постапка за надоместување на штета е надлежен суд според местото на извршување на навредата или клеветата и судот чие подрачје настапила штетната последица. Со оглед на тоа што во самата тужба адвокатот претпоставувам роднина на Зоран Заев, кој се вика Горан Заев, навел дека условно кажано таа клеветничка изјава сум ја дал на прес-конференција на ВМРО-ДПМНЕ во седиштето во Скопје, по законот и по правото, апсолутно треба да биде во граѓанскиот суд во Скопје. Врз основа на ова што го наведов јас доставив и одговор на тужба и приговор за надлежност до Основниот суд во Струмица и очекувам судијата да процени согласно законските прописи и овој предмет да го достави до граѓанскиот суд во Скопје, па да речеме условно кажано на неутрален терен да се соочиме со фактите и аргументите“, вели Петрушевски.

Македонија | пред 2 месеци

Петрушевски: 0 колективни договори за 1,5 година власт склучи ССМ со Владата, но затоа потпиша еден важен договор, а тоа е договорот со СДС

Политичкиот театар на СДС и ССМ заврши во еден чин. Фијаското на протестот викендов, покажа дека вистинските работници не се дел од ССМ, таму се луѓе кои СДС ги облече во синдикални, а некои и во партиски маички, вели Бране Петрушевски, пратеник на ВМРО-ДПМНЕ„Дистанцирањето од вистинските предизвици со кои се соочуваат работниците, на Трендафилов и ССМ добро им прилега и затоа шуруваат со СДС.Трендафилов и ССМ бараат се што СДС ќе им напише на ливче. Затоа молчеа и не ги поздравија колективните договори на Владата со други синдикати со кои се зголемија платите на работниците во јавниот сектор.0 колективни договори за 1,5 година власт склучи ССМ со Владата, но затоа потпиша еден важен договор, а тоа е договорот со СДС.Се додека Трендафилов одработува за СДС, работникот ќе си оди од ССМ“, додава тој.

Македонија | пред 2 месеци

Петрушевски: Дебаклот на протестот организиран од СДС и ССМ докажа кој реално мисли и помага на граѓаните

Дебаклот на протестот организиран од СДС и ССМ докажа кој реално мисли и помага на граѓаните, вели Бране Петрушевски, пратеник на ВМРО-ДПМНЕ„Таканаречениот синдикален протест организиран од ССМ, а технички и логистички од СДС, граѓаните не го поддржаа затоа што на сите им е јасно дека ова е само еден очаен обид за спас на СДС и политичко профилирање на Трендафилов.Протестот во саботата кој беше организиран од страна на кадрите на СДС облечени во синдикални маички, доживеа дебакл и ги делегитимира ССМ уште повеќе.Ниту СДС, ниту ССМ, а уште помалку Трендафилов и неговата дружина се интересираат за работничките права, нив ги интересираат своите цели и интереси, кои ги добиваат по заслуга на работниците.Работниците и нивните права се злоупотребени од СДС и ССМ, само за истите да дојдат до медиумско внимание.Каде е ССМ, таму е СДС. Каде е СДС, таму е и ССМ. Меѓу овие две организации веќе нема разлика.ВМРО-ДПМНЕ за разлика од СДС ќе продолжи и натаму да ги зголемува платите и да го подобрува стандардот на граѓаните“, вели тој.

Македонија | пред 2 месеци

Петрушевски: СДС е еднакво на ССМ, денешниот протест е измама, а не борба за работнички права

Пратеникот од ВМРО-ДПМНЕ, Бране Петрушевски, обвини дека зад денешните работнички протести стои СДСМ, а не Сојуз на синдикатите на Македонија, тврдејќи дека партиски луѓе ја организирале мобилизацијата на работниците од повеќе градови низ државата.Според Петрушевски, јавноста можела јасно да види дека наместо синдикатот, зад организацијата на протестите стојат структури поврзани со СДСМ, кои ги организирале работниците да дојдат на протест во Скопје.Тој наведе дека во Тетово и поширокиот регион работниците ги организирал Мирослав Павловски, за кого рече дека е истакнат член на СДСМ. Според него, работниците од Струмица и околината ги организирал Бранко Георгиев, поранешен раководител во струмичкото јавно претпријатие „Комуналец“ во период кога на власт била СДСМ.Петрушевски тврди дека работниците од Куманово и кумановскиот регион ги организирал Оливер Трајковски, за кого рече дека води штаб на СДСМ во Куманово и е вработен во јавното претпријатие „Чистота и зеленило“.„И сите овие, како и други од СДСМ кои се во организацијата на денешниот протест, наместо да ја зајакнуваат партијата која се движи кон пропаст, решиле да организираат протести на ССМ“, рече Петрушевски.Тој додаде дека барањата на работниците се легитимни и дека тие имаат право да бараат нивно исполнување, но оцени дека начинот на кој се организирани протестите не претставува синдикална активност и вистинска борба за работничките права.Според него, примерите од организацијата на протестот покажуваат дека постои „знак на равенство“ меѓу ССМ и СДСМ.Петрушевски истакна дека ВМРО-ДПМНЕ се грижи за граѓаните, но оцени дека, како што рече, „она што го прават СДСМ и ССМ е измама“.

Македонија | пред 2 месеци

(Фото) Петрушевски: Одговорен за организирање на луѓе и превоз за протестот на ССМ викендов, од Куманово е шеф на штаб на СДС

СДС го координира и управува ССМ, како на централно така и на локално ниво. Во пресрет на протестот во сабота организиран формално од ССМ, а логистички и технички од СДС, главните лица за контакт од општините се луѓе на СДС, вели  Бране Петрушевски, пратеник на ВМРО-ДПМНЕ.„Одговорен за логистика и организирање на луѓе и превоз за протестот на ССМ викендов, од Куманово е Оливер Трајковски - Шеф на штаб на СДС во населбата Зелен рид, како и вработен во ЈП Чистота и Зеленило во Куманово.На фотографијата го гледаме Оливер Трајковски, кој е сликан со кандидатот за градоначалник на Куманово од СДС Оливер Илиевски и носителот на листа Атина Мургашанска, за локалните избори 2021 година.Од СДС и ССМ веќе не се ни кријат за соработката која ја имаат со една единствена цел, а таа цел не е барање за зголемување на платите, туку целта им е да и наштетат на владата.ССМ и во Куманово и во другите општини е раководено од општинските организации на СДС.ССМ и СДС се веќе едно исто“, додава тој.

Македонија | пред 2 месеци