„Има ли срам Валбон Лимани, градоначалникот на Гостивар, кој вели дека не чувствува никаква морална одговорност за скандалот со водата?“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција упати критики кон градоначалникот на Гостивар, Валбон Лимани, оценувајќи дека треба да понесе морална одговорност за случајот со загадената вода во градот.

— реклама —

Петрушевски изјави дека е неприфатливо Лимани да тврди дека не чувствува морална одговорност, иако, како што рече, лицата кои раководеле со општинските јавни претпријатија биле назначени за време на неговиот мандат.

— реклама —

Во своето обраќање тој направи споредба со поранешниот градоначалник на Кочани, Љупчо Папазов, кој по пожарот во дискотеката „Пулс“ поднесе оставка од функцијата.

Петрушевски праша зошто, според него, СДСМ, ДУИ и Арбен Таравари не бараат одговорност од Лимани и дали причината е тоа што бил нивен кандидат на изборите.

— реклама —

Тој упати повик до надлежните институции и до Обвинителството да ја спроведат постапката без селективност и, како што рече, да не штитат никого.

— реклама —

„Одговорност треба да има што е можно поскоро, а моралната одговорност и оставката на Валбон Лимани беа најмалку што требаше да се случат“, порача Петрушевски.