(Видео) Петрушевски: Филипче однапред капитулира пред Бугарија и ја подготвува македонската јавност за нови национални отстапки ако дојде на власт

Пратеникот на ВМРО-ДПМНЕ, Бране Петрушевски, на денешната прес-конференција упати критики кон лидерот на СДСМ, Венко Филипче, обвинувајќи го дека однапред ги прифаќа бугарските барања и ја подготвува македонската јавност за нови национални отстапки доколку дојде на власт.

— реклама —

Според Петрушевски, во период кога од Бугарија, како што рече, секојдневно пристигнуваат пораки со кои се негираат македонскиот јазик, историја и идентитет, Филипче не покажува загриженост и не зазема цврст став во одбрана на националните позиции.

— реклама —

„Филипче не преговара, не бара гаранции и не поставува црвени линии. Напротив, тој уште пред да добие каква било одговорност од граѓаните испраќа порака дека е подготвен да ги прифати условите кои Македонија со години ги одбива како неправедни и понижувачки“, изјави Петрушевски.

Тој оцени дека ваквиот пристап претставува „однапред прифатен пораз“ и додаде дека Филипче ја следи истата политика што, според него, претходно ја водел и поранешниот премиер Зоран Заев.

— реклама —

Петрушевски истакна дека граѓаните очекуваат политичари кои ќе ги штитат државните и националните интереси, а не, како што рече, политичари кои однапред прифаќаат туѓи диктати.

— реклама —

Од ВМРО-ДПМНЕ порачаа дека нема да дозволат враќање на политиките на попуштање и национални отстапки, нагласувајќи дека македонскиот идентитет, јазик, историја и култура не се предмет на преговори и политичко пазарење.