„Филипче слепо ги прифаќа сите бугарски диктати само за власт“, вели Петрушевски

Пратеникот на ВМРО-ДПМНЕ, Бране Петрушевски, на денешната прес-конференција упати остри критики кон претседателот на СДСМ, Венко Филипче, обвинувајќи го дека ги продолжува политиките на поранешното раководство на партијата во однос на односите со Бугарија.

— реклама —

Според Петрушевски, додека СДСМ била на власт, тогашното раководство предводено од Зоран Заев и Венко Филипче прифатило решенија кои, како што рече, не биле во согласност со националните интереси.

Тој оцени дека Филипче и денес, како лидер на опозицијата, прифаќа позиции кои доаѓаат од Бугарија, со цел да обезбеди политичка поддршка и враќање на власт.

— реклама —

„Желбата за власт толку го ослепила Филипче што е подготвен да прифати нови идентитетски отстапки“, рече Петрушевски, додавајќи дека за ВМРО-ДПМНЕ нема компромис кога станува збор за македонскиот идентитет, јазик, култура и историја.

— реклама —

Пратеникот нагласи дека политичката поддршка се добива од граѓаните на избори, а не преку поддршка од странски политички центри.

„Наместо сојуз со туѓи држави и државници, потребна е коалиција со народот за одбрана и заштита на македонскиот национален идентитет“, истакна Петрушевски.

— реклама —

Од ВМРО-ДПМНЕ порачаа дека остануваат на ставот дека нема да дозволат, како што велат, пазарење со националните интереси и идентитетските прашања на државата.