(Видео) „Фројд работи кај Филипче и СДС за Алта банка, вака гласни не беа кога пропадна Еуростандард банка“, вели Петрушевски

Заменик-генералниот секретар на ВМРО-ДПМНЕ и пратеник, Бране Петрушевски, ја обвини СДС за двојни аршини во односот кон случаите со „Алта банка“ и пропаѓањето на „Еуростандард банка“.

— реклама —

На прес-конференција тој рече дека СДС и лидерот на партијата, Венко Филипче, не биле подеднакво гласни кога пропаднала „Еуростандард банка“, во периодот кога биле на власт.

— реклама —

Петрушевски тврдеше дека банката подолго време одобрувала необезбедени кредити на компании блиски до Зоран Заев. Тој потсети и дека тогашната министерка за финансии, Нина Ангеловска, неколку дена пред пропаѓањето на банката повлекла 250.000 евра од неа.

Според Петрушевски, тогашната власт на СДС и раководството на Народната банка не вовеле администрација, туку директно ја укинале работата на банката.

— реклама —

„Тоа што вие сте посегале по криминал, ние тоа нема да го направиме“, порача Петрушевски, обвинувајќи ја СДС дека денешните критики за „Алта банка“ се резултат на двојни стандарди.

— реклама —