(Видео) Петрушевски: Додека СДС се занимава како да ќари политички поени, надлежните во државава работат и ситуацијата во Гостивар се стабилизира

Пратеникот на ВМРО-ДПМНЕ, Бране Петрушевски, на денешната прес-конференција ја обвини СДС дека се обидува да добие политички поени преку актуелната состојба во Гостивар, наместо, како што велат, да побара одговорност од локалната власт, предводена од нивните коалициски партнери.

— реклама —

Петрушевски изјави дека СДС шири невистини и потсети на, како што рече, нивните тврдења дека водата во Валандово не била безбедна за пиење иако, според него, вонредните анализи покажале спротивно.

— реклама —

Тој додаде дека во периодот кога СДС ја водела локалната власт во Валандово, не биле спроведувани ниту редовните анализи на квалитетот на водата.

Од ВМРО-ДПМНЕ тврдат дека надлежните институции активно работат на надминување на состојбата во Гостивар и дека бројот на граѓани кои бараат лекарска помош се намалува.

— реклама —

Според Петрушевски, во наредните денови граѓаните треба да добијат технички исправна вода, која ќе може да се користи за миење, санитарни потреби и одржување на домаќинствата, а до крајот на следната недела, според проценките на надлежните, се очекува да биде обезбедена и вода безбедна за пиење.

— реклама —

„Важно е што се преземаат максимални напори за стабилизирање на состојбата во Гостивар. Рејтинг не се прави со лаги“, порача Петрушевски.