Петрушевски: „Безбеден град“ е доказ дека институциите можат да функционираат

Пратеникот на ВМРО-ДПМНЕ, Бране Петрушевски, денеска изјави дека владеењето на правото се потврдува преку конкретни постапки и доследна примена на законите, оценувајќи дека проектот „Безбеден град“ е пример за успешно функционирање на институциите.

— реклама —

Според Петрушевски, проектот покажува дека со политичка волја, професионален пристап и примена на современи технологии може да се постигнат конкретни резултати и да се зајакне довербата на граѓаните во институциите.

— реклама —

— реклама —

Во својата изјава, тој упати критики кон СДСМ, тврдејќи дека опозициската партија се спротивставува на успесите на институциите и не ѝ одговара систем во кој, како што рече, законите важат подеднакво за сите.

Петрушевски порача дека Македонија ќе продолжи, како што наведе, по патот на реформите, владеењето на правото и институционалното функционирање, оценувајќи дека работата и правдата ќе победат.