Петрушевски: Ловците на политички поени, другарите на Филипче треба час поскоро да разберат дека лагите кои ги кажуваат за Гостивар се на нивна штета

Пратеникот на ВМРО-ДПМНЕ, Бране Петрушевски, денеска на прес-конференцијата ја обвини СДСМ дека пласира, како што рече, невистини за состојбата со водоснабдувањето во Гостивар и побара од опозициската партија одговорност да бара кај локалната власт.

— реклама —

Според Петрушевски, контролата на квалитетот на водата е во надлежност на локалните институции, а Општина Гостивар ја раководи градоначалник кој, како што наведе, е поддржан од СДСМ, ДУИ и Арбен Таравари.

— реклама —

Тој истакна дека наместо политички обвинувања, СДСМ треба да ја насочи одговорноста кон, како што рече, сопствените кадри кои управуваат со општината.

Петрушевски оцени дека, според него, со секојдневното повторување на истите обвинувања опозицијата не добива политички поени, туку ѝ нанесува штета на сопствената позиција.

— реклама —

Воедно посочи дека институциите интензивно работат на надминување на состојбата во Гостивар и дека во моментов граѓаните располагаат со технички исправна вода, која може да се користи за лична и домашна хигиена.

— реклама —

Тој додаде дека, според очекувањата, до крајот на оваа недела водата во Гостивар повторно ќе биде безбедна и за пиење.