Петрушевски: Филипче прозборе за криминал тежок 37 милиони евра за пратеничка од СДС, го охрабруваме да објави и други вакви случаи затоа што веруваме дека ги има уште во неговите редови

Од ВМРО-ДПМНЕ, преку изјава на пратеникот Бране Петрушевски, побараа претседателот на СДСМ, Венко Филипче, да одговори кога дознал за сомнежите за наводен криминал поврзан со набавката на хеликоптери.

— реклама —

Петрушевски се осврна на неодамнешните изјави на Филипче, кој, според него, изнел сомнеж за случај поврзан со пратеничката Славјанка Петровска, поранешна министерка за одбрана и член на платформата „12.05“.

— реклама —

Според тврдењата што ги пренесува Петрушевски, Филипче посочил дека Петровска потпишала договор за набавка на хеликоптери, кој бил за 37 милиони евра поскап од одлуката што претходно ја донела комисијата.

„Филипче треба да одговори од кога знае за ова, зошто молчел ако сомнежот и информацијата датираат од претходно“, порача Петрушевски.

— реклама —

Тој го повика Јавното обвинителство да постапи по овие наводи и да отвори предмет, а Филипче да ги достави информациите со кои располага и да биде повикан да ги образложи сомнежите пред обвинител.

— реклама —

Петрушевски исто така го повика лидерот на СДСМ да ги пријави и сите други случаи за кои, како што рече, има информации и сомнежи.