Дел од Центар денес без вода, прекин и во ООУ „Јохан Хајнрих Песталоци“

Корисниците на дел од улицата „Борка Талевски“ во Општина Центар утре ќе останат без вода поради уличен дефект на водоводната мрежа.

— реклама —

Како што информираат од ЈП „Водовод и канализација“ – Скопје, станува збор за дефект на водоводна цевка со профил Ф-80 мм, на крстосницата меѓу улиците „Борка Талевски“ и „Апостол Гусларот“.

— реклама —

Поради интервенцијата, прекинато водоснабдување ќе имаат корисниците на потегот од улицата „Ленинова“ до улицата „Рајко Жинзифов“, вклучително и ООУ „Јохан Хајнрих Песталоци“.

— реклама —

Прекинот ќе започне во 08:30 часот и ќе трае до завршување на работните активности, информираат од претпријатието.

— реклама —

Од ЈП „Водовод и канализација“ апелираат до жителите навреме да ги обезбедат потребните количества вода.