Од ЈП Водовод и канализација информираат дека денеска (19 јуни), поради дефект на приклучна водоводна цевка со пречник од 1 цол на булеварот „Партизански одреди“ бр. 48А, ќе има прекин во водоснабдувањето во дел од општина Центар.
Без вода од 09:00 часот па сè до завршување на интервенцијата ќе останат дел од корисниците на улицата „Мајаковска“, како и корисниците на булеварот „Партизански одреди“ лоцирани зад поранешното Специјално јавно обвинителство (СЈО).
Од претпријатието посочуваат дека екипите ќе работат на отстранување на дефектот, по што водоснабдувањето ќе биде нормализирано.
