Дел од Центар и Карпош денеска без вода

Дел од корисниците во општините Центар и Карпош денеска ќе останат без вода поради работи на водоводната мрежа и уличен дефект, информираат од ЈП „Водовод и канализација“.

— реклама —

— реклама —

Во општина Центар, поради поврзување на старата со новата водоводна мрежа, од цевка со пречник од 400 милиметри на цевка од 200 милиметри, на улицата Мирослав Крлежа бб, прекин на водоснабдувањето ќе има кај дел од корисниците на оваа улица, во потегот од булеварот Партизански одреди до улицата Орце Николов. Прекинот ќе започне во 8:30 часот и ќе трае до завршувањето на работите.

— реклама —

Во општина Карпош, поради уличен дефект на водоводна цевка со пречник од 100 милиметри на улицата Прашка бр. 50, од 9 часот без вода ќе бидат корисниците на улиците Прашка и Дамска, како и делови од улиците Букурешка и Гимназија и од основното училиште „Нова“.