ЕВН Македонија информира дека поради планирани работи на електродистрибутивната мрежа, во понеделник (06.07.2026 година) без електрична енергија ќе останат корисници во неколку скопски општини.
Во периодот од 08:00 до 15:00 часот, без струја ќе бидат корисниците на улицата „Тодор Чангов“ во Општина Аеродром.
Од 08:30 до 14:30 часот, прекин во снабдувањето со електрична енергија ќе имаат дел од корисниците на улицата „Методија Андонов Ченто“, објектите кај ЗПЗ Напредок, сендвичарата „Хит“, како и објектите во местото викано Триангла до надвозникот за Ченто, во Општина Гази Баба.
Во Општина Карпош, од 09:00 до 13:00 часот, без струја ќе останат објектите на улицата „Вангел Дину“ и дел од непарните броеви на улицата „Франце Прешерн“.
Од 09:30 до 14:30 часот, прекин на електричната енергија ќе има и на дел од улиците „Браќа Чакреви“ и „Социјалистичка зора“ во Општина Ѓорче Петров.
