Делови од општините Центар и Кисела Вода денеска ќе останат без вода поради планирани работи и дефект на водоводната мрежа, информира ЈП „Водовод и канализација“ – Скопје.
Поради изведување водоводен приклучок на улицата „Златко Шнајдер“ бр. 9, дел од корисниците на оваа улица во Општина Центар ќе бидат без водоснабдување од 10:00 часот до завршување на работите.
Во Општина Кисела Вода, поради уличен дефект на улицата „Маца Карбева“ бр. 24/42, без вода од 09:00 часот до санирање на дефектот ќе останат корисниците на улицата „Маца Карбева“ и населбата Трета зона Припор.
Од јавното претпријатие апелираат до граѓаните да имаат разбирање додека траат интервенциите.
