Поради планирани технички зафати во електродистрибутивната мрежа, денеска (29 јуни) без електрична енергија ќе останат делови од општините Кисела Вода и Карпош, информираат од ЕВН Македонија.
Од 05:00 до 13:00 часот без струја ќе бидат корисниците на улицата „Герника“ број 8 и 10 во населбата Драчево, како и жителите на улицата „Иван Хаџиниколов“ број 3 и 5, исто така во Драчево, општина Кисела Вода.
Од 09:00 до 13:00 часот прекин во снабдувањето со електрична енергија ќе имаат корисниците на улицата „Вангел Дину“ и дел од непарните броеви на улицата „Франц Прешерн“ во населбата Влае, во општина Карпош.
Од ЕВН апелираат граѓаните навремено да ги планираат своите активности согласно најавените прекини.
