Од ЕВН Македонија информираат дека денеска дел од корисниците во општина Гази Баба ќе останат без електрична енергија поради планирани технички зафати на електродистрибутивната мрежа.
Прекинот во снабдувањето со струја ќе трае во периодот од 05:00 до 15:00 часот и ќе ги опфати дел од корисниците на булеварот „Александар Македонски“ и улицата „Архимедова“.
Без електрична енергија ќе останат и објектите лоцирани во близина на студентскиот дом „Стив Наумов“, Хемискиот институт, сендвичарницата „Хемиски“, „Муровска меана“, како и црквата „Свети Архангел Михаил“.
Од ЕВН апелираат граѓаните навремено да ги планираат своите активности и се заблагодаруваат за разбирањето.
