Денес 15 степени, а за викендот и минусни температури: Какво време нè очекува?

Променливо облачно време со услови за слаб локален дожд во источните делови од земјава се очекува денеска. Ќе дува слаб до умерен ветер од северен правец, а температурите ќе се движат од 3 до 9 степени во утринските часови и од 8 до 15 степени во текот на денот.

— реклама —

Во Скопје времето ќе биде променливо облачно, со слаб до умерен северен ветер. Утринската температура ќе се спушти до 8 степени, додека дневната ќе достигне до 14 степени.

— реклама —

Според временската прогноза, до недела ќе се задржи претежно стабилно време со сончеви периоди.

— реклама —

Сепак, за време на викендот се очекуваат постудени утра, кога температурите на одделни места ќе се спуштат под нулата. По некои котлини ќе има и појава на утринска магла.

— реклама —

Во почетокот на следната седмица повторно ќе има услови за слаб локален дожд.