Магла во котлините и северен ветер: Најмногу дожд наврнал во Лазарополе и на Попова Шапка

Денеска во Македонија времето ќе биде променливо облачно, со повремени локални врнежи од дожд. Претпладне во одделни котлини ќе има појава на магла, а ќе дува слаб до умерен ветер од северен правец, кој долж Повардарието повремено ќе биде засилен.

— реклама —

Минималните температури утрово се движат од 6 степени на Попова Шапка до 14 степени во Битола, додека максималната дневна температура ќе достигне од 12 до 18 степени.

— реклама —

— реклама —

Во изминатите 24 часа, најмногу дожд наврнал во Лазарополе и на Попова Шапка, по 10 литри на квадратен метар, а потоа следуваат Пожаране со 6 и Охрид со 4 литри на квадратен метар.

— реклама —

Во Скопје ќе биде променливо облачно, со повремен слаб дожд во претпладневните часови. Ќе дува умерен, повремено засилен северен ветер, а максималната температура ќе достигне до 13 степени.