Од ЕВН Македонија АД информираат дека денеска (7 јули) поради планирани зафати на електродистрибутивната мрежа, без електрична енергија ќе останат повеќе делови од Скопје.
Во периодот од 08:00 до 10:00 часот, без струја ќе бидат корисниците од улицата „Антон Попов“ и ООУ „Кузман Јосифовски-Питу“ во општина Кисела Вода.
Од 09:00 до 12:00 часот прекин во снабдувањето ќе има за дел од улицата „31“ во Волково, во општина Ѓорче Петров, како и за дел од селото Добри Дол во општина Сопиште.
Во периодот од 09:30 до 14:30 часот, без електрична енергија ќе останат корисниците од дел од улиците во околината на старечкиот дом во Ѓорче Петров.
Од 10:00 до 14:00 часот, прекин на електричната енергија ќе има и за дел од корисниците на улицата „81“ и околните улици во Волково, во општина Ѓорче Петров.
