Од ЕВН Македонија информираат дека поради планирани технички зафати, денес без електрична енергија привремено ќе останат корисници во повеќе населени места во скопскиот регион.
Според најавата, од 08:00 до 12:00 часот без струја ќе биде дел од село Сарај, на главната улица кај ЕР Грос Маркет во Општина Сарај.
Во периодот од 09:00 до 10:30 часот прекин во снабдувањето ќе има во селата Држилово, Патишка Река, Елово, Црн Врв, Осинчани, Јаболци, Нова Брезница, Малчиште, како и во викенд-населбите Јаболци и Држилово во Општина Сопиште.
Од 09:00 до 15:00 часот без електрична енергија ќе останат корисниците на улиците 11 и 3 во Кадино, Општина Петровец.
Од 10:30 до 12:00 часот струја нема да има во селата Света Петка, Чифлик, Говрлево, Виничиште, Добри Дол, Ракотинци, Горно Соње, Долно Соње и дел од Сопиште.
Потоа, од 12:00 до 13:30 часот, прекин во снабдувањето ќе има во селата Добри Дол, Ракотинци, Маркова Сушица, Варвара, Маркова Река, дел од Сопиште и дел од Батинци.
Од ЕВН апелираат граѓаните навреме да ги планираат своите обврски и активности во периодот на најавените прекини.
