Денеска без вода делови од Центар: Прекини на две локации поради дефекти

Од ЈП „Водовод и канализација“ – Скопје информираат дека денеска, 3 септември, поради дефекти на водоводната мрежа, без вода ќе останат делови од Општина Центар.

— реклама —

Поради дефект на приклучна цевка со профил Ф-150 мм на улицата „Дана Стуцки“ бр. 18, прекинато водоснабдување ќе имаат корисниците од дел од булевар „Гоце Делчев“, дел од Македонската телевизија и населбата Крњево.

— реклама —

Прекинот ќе започне во 09:00 часот и ќе трае до завршување на работните активности.

— реклама —

Дополнително, поради уличен дефект на цевка Ф-6/4 на улицата „Коле Неделковски“ бр. 5, без вода ќе останат корисниците на потегот од Градскиот парк до Владата, како и од улицата „Илинденска“ до Стадионот.

Во овој дел прекинот на водоснабдувањето е најавен од 08:30 часот, исто така до завршување на работните активности.